到訪日期：2015/11/15 人數：4個 時間：2030(唔洗等位) 我真係好中意哩間烤肉--ハチハチ，因為佢係用炭火，而且價錢好親民，和牛o既質素仲好好。唔知大家對燒肉o既要求係點呢?我個人就覺得炭火會比gas爐燒好食d，所以比較偏向簡用炭火o既鋪頭。更何況香港要用炭火做生意，係極難攞牌，亦都所以去到日本咁係要食用炭火燒ga la。 哩間野有英文menu可以提供，咁侍應當然唔識英文啦。 佢係韓式o既餐廳，所以有韓式o既野食叫。 我地一坐低就叫左1豬1雞5牛、1豆腐鍋+1白飯(我個人晚上盡量都想食下飯) 、 1蜆(冇相，類似豆腐鍋) 、 1 啤酒 +2橙汁。 要特別讚下個豆腐鍋，佢上到台都仲係 係咁滾，好明顯佢真係用個石鍋來煮。諗返香港d餐廳明明就係另一個煲度煮好就咁"不"落去，失去曬食石鍋o既意義。 我地食完第一輪之後，想叫返最好食個款和牛，咁我地就問侍應，佢竟然指住最平個款...則係話我地係妹仔肚囉...食貴野返而覺得冇咁好食。諗諗下，其實都正常，因為太多脂肪反而會"漏"，平價o既就少d脂肪可以食多幾舊。 最後，埋單，4個人一共8千幾yen，有一共大約叫左11樣野+3杯野飲，我覺得哩個價冇得輸。 店舖資料 焼肉ハチハチ 赤坂店 地址： 日本〒810-0042 福岡県福岡県福岡市中央区 大名2-9-5 http://hachihachi.co.jp/ #和牛#九州#福岡#好味#平#推介#美食#燒肉#焼肉#烤肉#燒烤#炭火
