今晚又過咗黎九龍城搵食，友人話想食潮州菜，行經呢間一望就知係舊式潮州打冷菜館，一於入去試吓。 門口位置放滿各式潮式食物，掛起咗一隻隻滷水鵝，墨魚，等待客人嘅呼喚。 菜式選擇已張貼係兩邊牆上，清楚易見，價錢亦合理。 滷水鵝去潮州菜館一定有得食，見呢度有潮州咸鷄 ($128)，今餐就由鵝轉鷄。份量足有半隻，連鷄腳都有。 鷄皮下無多餘脂肪，肉質夠結實，有鷄味得黎亦食到咸香味，比埋碗薑蓉點食，又多一份薑蓉香味。 潮菜煮魚都有一手，唔係清蒸，多用汁煮，就好似呢客芹菜炆牙帶魚 ($168)。有肉碎，鮮尤加上蔥芹，煮出個鮮甜湯汁，再加入煎好嘅牙帶魚就完成。 一客大約有4件牙帶魚，都幾厚肉，魚皮煎得香口唔腥，又係好食嘅。 要數潮州菜心機食物之一，糖醋麵 ($128)一定入榜。呢度仲整成一大個心型，跟埋醋及砂糖。 用刀叉一切，已感受到脆度，再隨意倒上醋與砂糖，脆中又帶麵條嘅軟度，醋嘅甜酸與糖嘅甜度混在一起，好食呀。 能夠紮根呢度咁耐日子，一定有返咁上下實力，今餐絶對體驗到。 新城潮州飯店: 九龍城衙前塱道30號地舖#ULifestyle應用程式 #ULifestyleApp #社群 #ULifestyleApp社群 #ULifestyle社群密密送 #UCreatorHK #MOMENTSwithUCreator #社群創作有價企劃 #創作有價 #hkblogger #hkbeauty #hklifestyleblogger #bloggerhk #hkfoodblogger #hkfoodblog #hkfoodie #KOL #hkkol #打卡 #旅遊 #ublog #社群每週活動推送 #UCommunity社群 #送禮
