遲來的中秋節小聚，相約於呢間位置方便易搵嘅居酒屋。 身處居酒屋氛圍，先叫杯凍飲Chill吓先。充滿夏日氣息嘅菠蘿椰子奶昔 ($48)，飲落冰涼無比，又有香甜菠蘿果蓉及椰奶味。而綜合水果茶 ($58)，多款生果如橙，西柚，士多啤梨，藍莓及芒果，酸甜中帶茶味。 炸物類叫咗炸鷄軟骨 ($48)，一啖一粒，香脆有嚼口，熱辣辣配特色凍飲，爽爆。 見到餐牌上做緊金槍魚”特集”，多款菜式以金槍魚入饌，點選呢客灸燒金槍魚沙律 ($118)。 顏色擺盤吸睛，灸燒咗嘅金槍魚與車厘茄及香橙，完美覆蓋住底層嘅爽口沙律菜。金槍魚入口軟綿好有魚味，配埋個開胃沙律酸汁，呢個配搭好惹人胃口。 串燒類中，大家都想食自家製免治鷄肉棒 (配鮮蛋黃) ($38/支)。 燒得帶點焦香，內有爽脆鷄軟骨碎又有綿滑鷄肉，沾上香滑蛋黃，一支唔係夠喉。呢度嘅名物，重量級火焰原隻雞腿 ($138)，今餐又點少得佢。 原隻鷄腿燒好，上枱後再淋上酒精點火，視覺效果震撼。 火焰幾秒後熄滅後，侍應會幫忙剪成細件，方便進食。側邊有D辣椒粉可點食，啖啖惹味鷄肉。 燒物來一客赤魚一夜干 ($98)，未食已經聞到燒魚嘅香味，外皮燒得帶點脆度。 魚肉嫩滑無咩細骨，點埋酸汁加蘿蔔蓉，正。都要加點炭水化合物先夠圓滿，既然燒物咁出色，就叫埋燒飯團棒 ($38/支)。 飯粒加入紫蘇葉，搽上醬油後燒，燒得香脆，入口似食緊飯焦，內裏仍然係飯粒，一啖有兩種唔同口感。 即叫即燒，要點時間等待，但帶比你嘅味道絶對值得等，下次再食其他菜式。 Firebird : 銅鑼灣邊寧頓街13號地舖#ULifestyle應用程式 #ULifestyleApp #社群 #ULifestyleApp社群 #ULifestyle社群密密送 #UCreatorHK #MOMENTSwithUCreator #社群創作有價企劃 #創作有價 #hkblogger #hkbeauty #hklifestyleblogger #bloggerhk #hkfoodblogger #hkfoodblog #hkfoodie #KOL #hkkol #打卡 #旅遊 #ublog #社群每週活動推送 #UCommunity社群 #送禮 #中秋團圓賞
