要經濟實惠叫餸食飯，去茶餐廳是常識吧。行開呢頭就入咗去呢間。 晚市自選套餐，由二至四人餐都有。二人餐有3款菜式，有明火靚湯及白飯兩碗，都係$208。 先送黎兩碗明火靚湯，今晚係青紅蘿蔔粟米煲豬肉。夠熱度又有湯料食，清甜唔油膩，似屋企煲嘅味道，想飲多碗仲可以問吓侍應。 鷄同魚可二選一，就選豉汁蒸倉魚，都唔細條架，成隻碟咁長。 有豉汁嘅香味，配埋蔥花一齊食，無細骨食得放心，趁熱食。 肉類代表今晚係牛，就係呢客蜜椒薯仔牛柳粒，顏色紅綠黃都有點。 牛柳粒食唔到梳打粉醃味，真係有牛柳粒嘅嫩感; 薯仔以薯條代替薯粒，想講沾滿蜜糖黑椒粒，好好食喎。配埋三色甜椒及洋蔥，甜甜中帶點黑椒嘅辛辣味，好好送飯。 清清地叫個粉絲雜菜煲，成煲海鮮類 (魷魚，蝦及蟹柳)排得靚靚，4個人都夠食。 底部有幾款菜，包括菜心，西蘭花，白菜及荷蘭豆。仲有腐竹，豆卜，鮮冬菇及粉絲，材料超多。 套餐包飲品，叫咗熱檸水及即磨咖啡 (另加$5)。 估唔到有甜品供應，以生果奶凍及蛋糕類為主。叫咗原味木糠布丁 ($17)及巴斯克芝士蛋糕 ($22)。兩者甜度適中，後者芝味滿滿，配咖啡岩晒。 無論食物味道及份量都令人滿意，侍應有禮，簡直係茶餐廳界嘅天花板。觀塘成業街19-21號成業工業大廈地下3號舖 #ULifestyle應用程式 #ULifestyleApp #社群 #ULifestyleApp社群 #ULifestyle社群密密送 #UCreatorHK #MOMENTSwithUCreator #社群創作有價企劃 #創作有價 #hkblogger #hkbeauty #hklifestyleblogger #bloggerhk #hkfoodblogger #hkfoodblog #hkfoodie #KOL #hkkol #打卡 #旅遊 #ublog #社群每週活動推送 #UCommunity社群 #送禮 #春日花香療癒
