又多一間米線店進駐呢條街，以黑山羊湯作招徠，有別於傳統麻辣/鷄湯底。 湯鍋類湯底可選清湯/酸辣湯。叫碗過橋米線 ($75/細)，材料包括羊肉，牛腩，鷄肉，豬大腸及牛筋，再加份蘿蔔 ($8)，細嘅份量都好夠睇頭。 清湯湯底幾清甜，飲完都無好口渴。薄切羊肉有羊味，對於想試羊肉嘅友人係可以嘅; 仲有豬大腸中間無咩肥膏，可以放心食。 而呢碗係羊肉拼牛腩米線 ($55/細)，清湯底，想要多蔥都無問題。 都係薄切羊肉，帶少少脂肪位，羊味適中啦。 而牛腩就厚身D，比較有口感。夏天係通菜嘅季節，叫碟腐乳通菜 ($20)，入口無渣，個腐乳微辣中帶點酒香味。 手工餃子方面，有羊肉及豬肉餡。韮菜豬肉餃 ($40/10隻)，隻隻飽滿。 皮厚食到韮菜香味，配埋個餃子醋可以食多幾隻。 小食類嘅鷄翼係好難令人抗拒，避風塘麻辣鷄翼 ($30)，一客4隻。味道帶微辣，皮香肉嫩。 小食類仲包括燒物，如燒蠔及羊肉。羊肉串呢度都有，但見有燒羊尾 ($16)，真係未食過，咁就叫咗一條試吓。 即叫即原條燒，外面再灑上調味粉。比埋手套方面拎住食。唔會燒到乾爭爭，肉質原來係幾彈牙，肉量唔係好多，有D似食鷄頸感覺。 跟餐價凍檸樂 ($12)，配濃味食物就至岩。 唔收加一，價錢親民，飽足程度唔低，想食羊湯鍋嘅人絶對要試。 #ULifestyle應用程式 #ULifestyleApp #社群 #ULifestyleApp社群 #ULifestyle社群密密送 #UCreatorHK #MOMENTSwithUCreator #社群創作有價企劃 #創作有價 #hkblogger #hkbeauty #hklifestyleblogger #bloggerhk #hkfoodblogger #hkfoodblog #hkfoodie #KOL #hkkol #打卡 #旅遊 #ublog #社群每週活動推送 #UCommunity社群 #送禮 #春日花香療癒
