之前嘅長假期係走轉台灣嘅好時機，可惜無出走。又令我掛住台式牛肉麵，所以黎開呢區就上黎呢度開餐。 牛肉麵都有3款唔同湯底，有紅燒/清燉/麻辣。想要點刺激感，就要叫麻辣牛肉麵($78)，轉新竹米粉加 ($5)。牛肉舖於米粉上，再灑上蔥粒。叫牛肉其實係用牛腱，帶點厚度，腍住得夠時間，入口相當鬆化。湯底麻辣度適中，用新竹米分黎到索湯食，好味道倍增。 想要溫和味道，就可叫清燉牛肉麵 ($75)，有蘿蔔及青菜作配菜。 同一款牛腱，配上另一款湯底，湯頭比較原味鮮甜，米粉亦一樣發揮同一索湯功能。 呢碟滷水豬耳 ($32)，份量都唔少。 滷得相當入味但又唔會好咸，入口爽脆又滿滿膠質感，用黎配湯米食就多樣餸。 實在太喜歡芋泥，今次一於要食呢客芋泥肉鬆蛋捲餅 ($44)，已切開4件容易食。 蛋餅皮包住芋泥及肉鬆，一甜一咸配搭，三種唔同口感，有趣有趣。 多款台式手調飲品，呢2杯係熱香芋鮮奶 ($32)及熱金桔檸檬紅茶 ($11)，前者係加入芋泥，與鮮奶融合後，香滑又有香芋味; 另一杯就幾”金桔”，酸酸微甜幾消膩。 仲有台式甜品供應，都已經好飽，唯有下次先。#ULifestyle應用程式 #ULifestyleApp #社群 #ULifestyleApp社群 #ULifestyle社群密密送 #UCreatorHK #MOMENTSwithUCreator #社群創作有價企劃 #創作有價 #hkblogger #hkbeauty #hklifestyleblogger #bloggerhk #hkfoodblogger #hkfoodblog #hkfoodie #KOL #hkkol #打卡 #旅遊 #ublog #社群每週活動推送 #UCommunity社群 #送禮#去新酒店Staycation #CHILL賞假期
