友人最近搬公司，咁岩就係呢個商場，比佢發現呢間東南亞菜館。 除咗室內用餐，仲提供室外餐，環境氣氛都唔錯架。 菜單上提供泰國、新加坡及越南風味，真係可一餐食盡東南亞，外藉侍應招呼主動有禮。 捨棄柚子沙律，叫泰式牛肉沙律 ($118)，一件件牛肉整齊放上青瓜片上，再有蘿蔔，生蒜片及辣椒碎。 燒牛肉入口鬆軟又略帶嚼口，無論夾青瓜或蘿蔔，加上酸辣汁一齊食，係正嘅。 小食要炸魚餅 ($58/3件)，三件肥水泡咁樣。 配埋配酸甜醬，入口鬆軟，食到香葉獨有味道 未去過清邁，就先食呢碗清邁咖喱湯麵配鷄肉 ($98)，另類湯咖喱。 原隻滷水鷄肶，食完都半飽。 部份係炸脆麵，加埋少少掛汁麵，兩種口感; 咖喱湯辣度輕鬆，食到椰汁香味，味香濃，好味。 星菜代表，叫咗呢碗星洲式叻沙，配鷄肉 ($88)，見到湯底顏色都幾對眼，除咗鷄絲，仲有隻溏心蛋。 成碗都係河粉，入口超滑，加埋芽菜嘅清爽，再加埋香濃椰汁味嘅湯底，食晒成碗都幾飽。 炒菜方面，叫咗唔辣嘅馬拉盞通菜 ($78)，都幾大碟架，2人可開懷咁食。通菜無渣，加入咸香蝦仔，惹味呀。 多款特式飲品，開始步入初夏，飲呢杯充滿香甜果味嘅Pineapple Spitzer ($58)就岩啦。味道有香甜菠蘿，桃及石榴味，加埋有氣感雪碧，幾解渴。 仲有甜品供應，但實在太飽，唯有下次啦。觀塘巧明街98號The Millennity 9樓909 & 911號舖 #ULifestyle應用程式 #ULifestyleApp #社群 #ULifestyleApp社群 #ULifestyle社群密密送 #UCreatorHK #MOMENTSwithUCreator #社群創作有價企劃 #創作有價 #hkblogger #hkbeauty #hklifestyleblogger #bloggerhk #hkfoodblogger #hkfoodblog #hkfoodie #KOL #hkkol #打卡 #旅遊 #ublog #社群每週活動推送 #UCommunity社群 #送禮 #浪漫星空約會 #越食越靚 #馬年新氣象 #去新酒店Staycation
