趕得切係正月同友人食個飯兼拜年，食中餐好似岩數D，所以黎呢度食，位置方便。 上到二樓，已有七成滿，好彩仲有張細枱。 食飯前”濕”吓個口，來個豆腐海皇羹 ($108)，份量夠2-3人分享。 材料都幾豐富架，有豆腐，蝦，魚，蛋白，菜粒及草菇碎等等，味道清淡得黎又有唔同口感。 加埋胡椒粉一齊食，清淡中加添香辣感，趁熱食啦喂。想食惹味香口菜式，呢碟椒鹽九肚魚 ($110)就成為今晚嘅其中一款菜。 原條開邊沾粉去炸，炸漿夠薄，唔會食到一口粉。軟滑魚肉，基本上連主骨都可以食埋，點埋個喼汁就是正。 今晚唔叫炒菜，就係想食呢客蒜蓉蝦乾蒸勝瓜 ($108)，一段段批好皮嘅勝瓜整齊舖滿碟，頂部放上大量蒜粒，仲有蝦乾。 清蒸後嘅勝瓜超腍甜，時間控制適中，淋上微甜豉油，加上蒜蓉香味，一口一舊，底部仲有粉絲，好好味。 歡喜食濃味小炒嘅可以叫，京蔥醬爆牛肉 ($128)，大量京蔥與牛肉快炒。 牛肉大細適中，唔韌，與微甜京蔥一齊食，配上濃味醬汁好好用黎送飯。 今餐有湯有魚有牛又有瓜菜，食得滋味又好飽，下次有機會試吓佢嘅炒蟹。 #財記辣蟹私房菜 #ULifestyle應用程式 #ULifestyleApp #社群 #ULifestyleApp社群 #ULifestyle社群密密送 #UCreatorHK #MOMENTSwithUCreator #社群創作有價企劃 #創作有價 #hkblogger #hkbeauty #hklifestyleblogger #bloggerhk #hkfoodblogger #hkfoodblog #hkfoodie #KOL #hkkol #打卡 #旅遊 #ublog #社群每週活動推送 #UCommunity社群 #送禮 #浪漫星空約會 #越食越靚 #馬年新氣象 #去新酒店Staycation
