成日都想搵D好味嘅韓式湯鍋食，今晚搵到黎呢間。 入座率已九成，好彩仲有一兩張枱，再遲D就要坐吧枱位啦。食韓餐嘅指定動作，先食各款前菜，呢度提供辣炒年糕，蘿蔔泡菜，魚乾仔及炒粉絲。無限任食，真係未食主菜先興奮。 飲品方面除咗罐裝汽水外，仲有酒精及非酒精特飲。推介呢2杯Apple Mango Ade 及 Non-Alcoholic Mojito，都係$30杯，水果氣泡飲料好飲同超抵飲。 多款湯鍋都有嫩豆腐，及石鍋飯，亦有醬油蝦，辣炒章魚五花腩，牛仔骨，海鮮煎餅等菜式，今晚就一豬一牛湯鍋。 先有豬肉嫩豆腐鍋 ($128) 呷一口橙紅色湯汁，辣度其實係溫和，係可以叫佢加辣嘅。每鍋都附有隻生蛋，可以打埋隻生蛋與熱湯融和，增加豐富感。 豆腐確係好嫩滑，配埋豬肉片與湯汁，一口湯一口飯，平實但妙絶。呢個係牛肉嫩豆腐鍋 ($128)，材料一樣只係肉類唔同。 個人比較喜歡食牛肉，加埋嫩豆腐，偶爾食到翠肉瓜粒。 石鍋煮令米飯口感帶點煙強韌及有飯焦，就咁撈湯送飯其實都惹人胃口。 韓式餃子除咗蒸之外，煎餃都出色。呢度嘅韓式煎餃子 ($88/6隻)。 隻隻都煎得金黃香脆，點埋個特色餃子汁，餡料係豬肉粉絲，外脆內綿感，趁熱食啦喂。 佢地Happy Hour有韓式炸鷄加2杯啤酒 ($168)，見到餐牌都有得單點 ($128/半份)，當然要叫份食。仲有椰菜絲沙律作伴菜。 半份足夠2人分享，脆炸到皮脆肉嫩，點埋個蜜糖芥末醬汁食，十個正。 今餐超飽又滿足，回頭率超高…………#ULifestyle應用程式 #ULifestyleApp #社群 #ULifestyleApp社群 #ULifestyle社群密密送 #UCreatorHK #MOMENTSwithUCreator #社群創作有價企劃 #創作有價 #hkblogger #hkbeauty #hklifestyleblogger #bloggerhk #hkfoodblogger #hkfoodblog #hkfoodie #KOL #hkkol #打卡 #旅遊 #ublog #社群每週活動推送 #UCommunity社群 #送禮 #浪漫星空約會 #越食越靚 #馬年新氣象 #法式科學護膚
