乍暖還涼的天氣，特別令人想烚下烚下，友人提議去呢度黎個火鍋放題。 星期一至日無限時任飲任食，有3款餐選擇，最貴級別C餐有和牛食 ($388/位)。我地選擇B餐 ($298/位)。 入座後，有D口渴就出去飲品柜拎凍飲，酒類就另一個雪柜，除咗有啤酒，竟然有真露。自助蔬菜吧及火鍋配料，整齊排列。 仲有少量熟食如炸物，汁煮鷄翼及關東煮最吸睛莫過於可以自己夾活蝦，保證生猛有諗頭。 烚完都係咁大隻，蝦肉爽彈，係正嘅。 仲有個海鮮自助吧，多款海鮮任你食，鮑魚，蟶子，蠔，青口，東風螺，魚片，三文魚及螺片。 鮑魚彈牙，有得任食相當好極。 當然每款拎少少，黎個自製海鮮拼盤。 食物選擇多，有機會出現選擇困難症 (哈哈)。一人一鍋，唔駛就人又衛生，我地點選壽喜燒及皮蛋芫茜湯。 黎呢度開餐，嘴巴唔會有時間停，因為除咗火鍋外，仲有任食刺身 呢一盤好快被吃掉，再掃二維碼加單。肉類如牛/豚/鷄/羊都有幾歡喜呢度嘅牛肉，幾有牛味又唔嚡口，薄薄一片，烚好快就食得。 同時間串燒亦放係火爐上慶住，有鷄腎，鷄軟骨，牛舌，多春魚等，亦有蔬菜類如秋葵，菠蘿，翠玉瓜等。 驚喜位有燒乳鴿，入口熱辣香口，食得過。 亦有蒜蓉燒蠔，又係另一種食法。 記住記住要留肚比甜品呀，出面有甜品柜 掃二維碼仲有其他甜品都相當有水準，似出面甜品店嘅出品。有軟雪糕窩夫，一凍一熱，香甜脆口。 法式焦糖燉蛋亦係值得留位置比佢。 壓軸有烤榴槤，唔算太濃味，熱熱地過吓口癮都唔錯。 埋單計埋加一每人三百幾，食得滿足又滿意。#ULifestyle應用程式 #ULifestyleApp #社群 #ULifestyleApp社群 #ULifestyle社群密密送 #UCreatorHK #MOMENTSwithUCreator #社群創作有價企劃 #創作有價 #hkblogger #hkbeauty #hklifestyleblogger #bloggerhk #hkfoodblogger #hkfoodblog #hkfoodie #KOL #hkkol #打卡 #旅遊 #ublog #社群每週活動推送 #UCommunity社群 #送禮 #浪漫星空約會 #越食越靚 #馬年新氣象 #法式科學護膚
