打正係挽肉旗下，滿心期待，網上拎位排40幾個，無諗過最終要成兩個半鐘先有位。 多款漢堡套餐，有沙律/小食/意粉供應 坐底後快快掃二維碼落單，初試芝士漢堡扒 ($108) 套餐包麵豉湯及白飯，白飯係任食嘅。飯粒比較濕，食一碗都已經飽。主角芝士漢堡扒係一舊，上面舖上芝士，再淋上醬汁。口感似食芝士漢堡走飽一樣。以為佢係即叫即煎，但食到嘅係唔夠熱，食到半途塊芝士仲要與肉分離。 配菜有西蘭花及幾件薯仔，似媽媽自家製嘅菜式。 全晚比較可取嘅係呢杯送嘅自家製蔬果汁，當係welcome drink。 整體味道比預期差，仲要等咁耐位就真係………………回頭率……..低。值得一讚係門口安排入座嘅小姐好有禮貌。
