呢一間除咗有台式養生湯麵食之外，仲有火鍋放題，今晚餓底指數上升中，咁就黎個90分鐘定量半放題。 B餐係牛肩胛肉拼無激素豬肉片 ($148)，定量150g，即係每位有牛及豬肉各一碟。對於我地唔係太食肉獸類係夠嘅。 自選湯底一人一鍋，十數款台式養生湯底，有辣有唔辣。清甜之選有藥膳椰子清鷄湯 惹味之選有麻辣鴨血凍豆腐湯，另加$10。多咗兩三舊鴨血食，正。 顏色都靚仔架，薄薄一片，烚一陣好快就食得。 牛肩胛肉連少少脂肪位，入口唔嚡，仲帶少少油香。 而豬肉片反而脂肪位唔多，食得相當健康。 掃二維碼，仲有沙茶牛肉，秘製鷄髀肉，白菜豬肉餃，雲吞，墨魚卷等等任食。我地都叫咗D，推介雲吞及鷄髀肉。 至於其他火鍋配料，如各式丸類，蟹柳，黑木耳，蟲草花及蔬菜就可出去自助區自取。 每樣拎Ｄ，有濃汁牛丸，芋頭貢丸，芝士包，魚片頭，萵荀，蟲草花及羽衣甘藍。 飲品方面，自助區有汽水及茶類 掃二維碼仲有台式手調飲品，叫杯水蜜桃紅茶解吓辣先。 記住留返少少位置比雪糕時間，十幾款雪糕杯，雪條及甜筒任你選，Ｍ字及Ｄ字頭都有。 見到有法國乳酪甜筒及Ｍ字牌法式焦糖布甸雪糕，未食過就試吓先。 飽到一個點，呢口價絶對值得再回頭。#ULifestyle應用程式 #ULifestyleApp #社群 #ULifestyleApp社群 #ULifestyle社群密密送 #UCreatorHK #MOMENTSwithUCreator #社群創作有價企劃 #創作有價 #hkblogger #hkbeauty #hklifestyleblogger #bloggerhk #hkfoodblogger #hkfoodblog #hkfoodie #KOL #hkkol #打卡 #旅遊 #ublog #社群每週活動推送 #UCommunity社群 #送禮 #馬年新氣象 #越食越靚 #浪漫星空約會
