過年食得多中餐，今晚要食吓西餐平衡返個味蕾。呢間有戶外用餐區，仲可以帶埋狗狗，活動包場有9折優惠。 咁大個水吧區，黎個Happy Hour先亦得。 唔想用腦，就叫個二人晚餐 ($668)，由小食，頭盤，餐湯，主菜到甜品餐飲都包。是日例湯係蕃薯忌廉湯，薯仔湯就飲得多，用蕃薯代替薯仔就未試過。入口都幾滑，以為會好甜但又唔會，飲到淡淡蕃薯味，幾有創意。 配送牛油餐包，多份儀式感。小食四選二，香口食物又好難令人抗拒，咁就黎個邪惡雙拼: 香辣鷄翼及炸水牛拉絲芝士條，每人有兩條兩隻。 鷄翼係又香脆又帶辣度，惹味之選; 而炸水牛拉絲芝士條，抱歉未有拉絲效果，但入口帶點外脆內煙韌，重點係兩款炸物都唔油膩，正。 跟住到頭盤，沙律款四選一，呢客係北海道帆立貝火腿沙律，賣相吸引。 沙律菜中配以煎香嘅帆立貝，咸香風乾意式火腿，伴以黑醋汁，簡單中見證呢位意日混血兒嘅特別。 今晚主菜以一澱粉一蛋白質睇餐牌見呢客小麻花手工意粉配香草雞肉蘑菇忌廉汁，想知小麻花手工意粉係咩樣。 原來係通洞意粉，更能索及掛忌廉醬汁，幾有口感; 鷄肉煎得幾香口，份量二人分享都可以。 另一款主菜加$48就有得食澳洲和牛肉眼扒 柯打熟度係5成，件肉眼扒都帶D厚度。切開仍見紅色位，入口仍帶肉汁，口感豐富。 是日精選甜品係芒果慕絲蛋糕及火焰法式焦糖燉蛋 話明火焰法式焦糖燉蛋，真係有火焰架，視覺效果一流。 客法式焦糖燉蛋，甜度適中，又香又滑。 餐飲點配凍檸茶及拿鐵，咖啡配甜品，相當岩數。無話限用餐時間，可以邊食邊傾，慢慢嘆。#ULifestyle應用程式 #ULifestyleApp #社群 #ULifestyleApp社群 #ULifestyle社群密密送 #UCreatorHK #MOMENTSwithUCreator #社群創作有價企劃 #創作有價 #hkblogger #hkbeauty #hklifestyleblogger #bloggerhk #hkfoodblogger #hkfoodblog #hkfoodie #KOL #hkkol #打卡 #旅遊 #ublog #社群每週活動推送 #UCommunity社群 #送禮 #食飽過馬年 #浪漫星空約會 #越食越靚 #馬年新氣象
