之前係附近食完飯，行去中環方向搭車途中，發現呢間好鬼日式嘅食店。 望吓門口個餐牌，原來係食拉麵嘅。 今晚決定試吓，拉開門見到以吧枱為主要用餐區，燈光配合後面日式餐具嘅擺放，有D似去咗日本食拉麵。 日間以食拉麵為主，晚間就變成半居酒屋形式，食物選擇方面多好多，全由師傅根據時令食材而烹煮。蟹味噌蘿蔔配南蠻漬，就成為今晚嘅涼伴前菜。 蟹味噌汁滲進蘿蔔內，入口無喳無負擔; 而魚類經過油炸，與煮過的洋蔥、蘿蔔和調和過的醋汁醃漬，就叫做南蠻漬。選用魚材入口無骨，啖啖肉又食到醋汁嘅開胃感覺。 黎個刺身盛合 (5 點)，包括油甘魚，三文魚，吞拿魚，蝦，海膽及三文魚籽。擺盤吸睛。 魚類係厚切嘅，就睇吓呢件油甘魚，顏色相當靚仔，入口鮮甜。 仲有海膽及三文魚籽，一個軟滑一個脆口，一甜一咸香，一啖放入口，有趣有趣。 呢度有自家製清酒，用黎襯刺身串燒類都幾好Feel架。 走進熱食時間，Prime美國牛小排，用黎燒完切成”一口食”，灑上辣椒粉加炸蒜片，另備柚子醬汁點食。 建議食法係連炸蒜一口食，炸蒜片尤如薯片咁嘅脆度，配合油香鬆軟嘅牛小排，加埋個清新柚子醬汁，好味呀。 點少得黎碗拉麵?! 就黎碗光來黑蒜油豚骨湯麵。食材包括叉燒，中華雲吞，糖心蛋及荀。 黑蒜油湯底，面層已見到有層黑蒜油，配上3mm粗麵 (由日本總店空運)，入口彈牙，掛湯能力亦較高。 叉燒用上西班牙豬卷，帶點厚度，肥肉部分幾爽口。 驚喜位見到呢粒中華雲吞，用上廣式雲吞皮，饀料就用上師傅自家製墨魚滑，與鮮蝦餡一樣咁爽彈。 最後送上和菓子，果物蕨餅，新鮮士多啤梨配自家製蕨餅。 師傅自家製，沾上黃豆粉及淋上黑糖，入口比坊間食到較為鬆軟，少少凍感為呢餐帶黎咗一點清新感。 #ULifestyle應用程式 #ULifestyleApp #社群 #ULifestyleApp社群 #ULifestyle社群密密送 #UCreatorHK #MOMENTSwithUCreator #社群創作有價企劃 #創作有價 #hkblogger #hkbeauty #hklifestyleblogger #bloggerhk #hkfoodblogger #hkfoodblog #hkfoodie #KOL #hkkol #打卡 #旅遊 #ublog #社群每週活動推送 #UCommunity社群 #送禮 #食飽過馬年 #生活一點甜 #情人節甜入心
