聖誕先走咗轉曼谷，係果面食唔夠皮，返到黎又掛住泰國菜。行經呢度見到呢間泰菜店。 望吓店外餐牌，想食嘅泰菜都有，就試吓啦。 門口位置仲有棵巨型聖誕樹，裝修路線走年青玩味風，播住泰國流行曲，有別於傳統泰菜店。 廚師接受過Le Cordon Bleu School培訓，仲服務過多家酒店，當然有返咁上下水準。 菜式中有個”笑容公仔”即係店長推介 首先出場有海鮮冬蔭公湯 ($78/小)，小嘅都岩二人分享。海鮮部份好足夠，除左必有嘅蝦 (肉彈牙)，仲有蜆，魷魚及青口。酸辣度唔嗆口，趁熱飲啦喂。 呢客有”笑容公仔”嘅泰式鷄肉炒河 ($98)，除咗鷄肉外，仲有隻脆邊煎蛋。 鷄肉正常味道。 反而個河粉以蛋快炒成為亮點，口感滑中帶少少嚼口，加埋蛋香配埋個辣椒醬，就咁單食都好食。 友人要食青咖喱鷄 ($88)，另配白飯 ($22)，賣相精緻。 香中唔辣嘅咖喱汁，配飯真係無得輸; 鷄肉一啖一舊又可送飯，仲有粟米芯及豆角做配菜。 通常食咖喱炒蜆，用泰式辣醬炒蜆 ($108)又可以試吓。 話係用辣醬炒，但辣度輕微，反而帶有微甜。細隻蜆，但隻隻開口兼有肉。仲可以食埋紅黃甜椒，芹菜及菇，豐富口感。 用銀器杯黎裝住青檸梳打 ($28)及椰汁冰 ($28)，梗加泰式風情，想講杯椰汁冰好香椰子味，加冰減底甜度好好飲喎。 實無輸嘅叫返碟泰式炒通菜 ($78)，隻紅辣椒無貢獻辣度，份量足夠2人分享。 唔駛加一，七點後都不斷有客幫襯，下次要食埋甜品先走。 #ULifestyle應用程式 #ULifestyleApp #社群 #ULifestyleApp社群 #ULifestyle社群密密送 #UCreatorHK #MOMENTSwithUCreator #社群創作有價企劃 #創作有價 #hkblogger #hkbeauty #hklifestyleblogger #bloggerhk #hkfoodblogger #hkfoodblog #hkfoodie #KOL #hkkol #打卡 #旅遊 #ublog #倒數聖誕 #社群每週活動推送 #UCommunity社群 #送禮 #食飽過馬年
