要係呢區開餐，除咗泰菜，都有唔少潮州菜選擇。友人今晚同我食呢間。 潮州師傅主理，坐底後送上熱茶及菜脯一碟。飲啖茶再慢慢叫菜。 食潮州野差唔多必叫嘅韮菜豬紅 ($78)，鍾意佢最快上枱，當前菜食住先又得。 豬紅係一口一件，沾上濃味醬汁都幾好味，份量多過韮菜。 天氣忽然轉寒，友人提議叫客驅寒嘅招牌咸菜豬肚湯 ($148/例)飲吓，果真無錯。睇下奶白色嘅湯浮起胡椒碎，未飲已聞到胡椒香味。 入口絶對夠熱，咸菜唔會過咸及過腍; 豬肚入口幾腍滑，無雪味仲唔係得幾件，飲啖湯食件豬肚，飲完2碗真係成身暖晒，飯後仲開始釋放氣體 (哇哈哈…) 菜方面，本來想要蒜拍蕃薯苗，但無蕃薯苗，改成蒜蓉炒白菜仔 ($98)。滿滿蒜蓉香味，唔會炒得太腍，入口無沙又無渣，食到白菜仔嘅甜味。 有菜當然要有肉，惹人胃口嘅有呢客潮陽梅膏骨 ($128)，份量相當多，3-4人食都夠食。 見到梅膏二字加埋橙紅色，未食大概都知係酸甜骨D親屬。入口同聯想都有九成中。一舊都有唔少肉，酸甜度適中又解肉膩，用黎送飯岩呀。 一路食不斷見有食客入內，果真多人捧場。食飽飽都係時候埋單，好等有枱招呼下位客人。 #ULifestyle應用程式 #ULifestyleApp #社群 #ULifestyleApp社群 #ULifestyle社群密密送 #UCreatorHK #MOMENTSwithUCreator #社群創作有價企劃 #創作有價 #hkblogger #hkbeauty #hklifestyleblogger #bloggerhk #hkfoodblogger #hkfoodblog #hkfoodie #KOL #hkkol #打卡 #旅遊 #ublog #倒數聖誕 #社群每週活動推送 #UCommunity社群 #送禮 #GIVEAWAY #麗珠蘭 #位元堂 #阿膠糕#防疫 #流感 #消毒 #驅蚊 #社群生日快樂
