友人就快外遊去附近買電話卡，行過呢條街發現成街九成都系食店，選好呢間川菜店後就叫我過黎搵佢開餐。 先黎冷盤蒜香拍青瓜 ($38)，爽脆青瓜被蒜蓉包圍住，鐘意蒜香味嘅應該會好滿意。 另一味偷飯賊系呢客蕃茄牛肉炒蛋 ($88)，應該無咩人會未食過，顏色配搭吸睛，估唔到系食川菜嘅地方會有得食。 牛肉幾軟滑，蛋炒得唔老，加曬所有食材去配飯食，味道酸酸甜甜，食曬成碗飯絶對無難度。 呢度嘅招牌菜之一，招牌香鍋，五餸起，幾十款配料比你選擇，有海產，肉類，蔬菜等。醬料要辣嘅可選香辣/麻辣，唔辣嘅有醬香。 呢鍋滿滿嘅叫咗五餸，有鮑魚 (4只/$68)，雞件 ($42)，牛肚 ($46)，豬皮 ($36)及花菜 ($26)，配唔辣及帶少少甜味嘅醬香，以蔥爆香最後曬上芫茜及芝麻增加香度。 鮑魚帶點厚度，入口都幾彈牙。 雞件切成一口，肉質結實。 其餘牛肚及豬皮可以索醬汁，用黎送飯有助攻之用。食濃味食物，叫返杯清甜百香果檸檬茶 ($36)黎解嚇味，友人就叫咗可樂，各色其式。 即叫即炒，夠曬熱度，食完相當飽肚又滿足。 #ULifestyle應用程式 #ULifestyleApp #社群 #ULifestyleApp社群 #ULifestyle社群密密送 #UCreatorHK #MOMENTSwithUCreator #社群創作有價企劃 #創作有價 #hkblogger #hkbeauty #hklifestyleblogger #bloggerhk #hkfoodblogger #hkfoodblog #hkfoodie #KOL #hkkol #打卡 #旅遊 #ublog #倒數聖誕 #社群每週活動推送 #UCommunity社群 #送禮 #GIVEAWAY #麗珠蘭 #位元堂 #阿膠糕 #邱鋒澤 #防疫 #流感 #消毒 #聖誕倒數日曆 #驅蚊 #社群生日快樂 #我想去AIA嘉年華
