真係童年回憶，一諗起美式菜就諗起佢，今晚黎到呢間分店，同友人黎個回憶殺。 未入用餐區，可以係呢度黎個Happy Hour先。 柔和燈光，全店已有聖誕裝飾，更加美式，被安排於卡座，坐得相當舒適。 除咗散叫，仲有幾款套餐，尤其呢個都幾抵食。 落完單後，侍應熟練嘅手勢及速度，為我們送上迎客麵飽籃，三款唔同口味嘅餐飽，配以士多啤梨牛油，仲有有果仁碎嘅鬆餅，對於我呢D澱粉控，表現出心心眼。 前菜有周打蜆肉湯/招牌凱撒沙律二選一。見到有麵飽，就自不然選擇要湯。 質感濃稠，食到海鮮粒，熱度甚有，驚喜位連個碗碟都係熱，飲到尾啖湯都係熱，讚。叫多個脆炸磨菇 ($98)，快快手趁熱食。炸漿再薄身D會仲好，外脆內仍然食到菇嘅香軟質感，仲帶點濕潤度，唔係變乾架，點埋個特色醬汁食，用黎送凍飲一流。 未食完個炸菇，主菜已陸續上枱。先有手撕慢烤BB豬肉漢堡 ($258)，跟埋黃金拍檔炸薯條。飽面光滑，底部係輕輕烘至微脆。 成個漢堡材料由上至下分成；將烤豬排骨肉去骨手撕成肉絲，紫洋蔥，芝士，牛肉漢堡 (咬落仍帶肉汁，唔係一咬就會粉碎，仲食到燒烤香味)及生菜。醬汁方面係用燒烤汁，成個漢堡係好味嘅。 炭燒封門牛柳 ($368)，份量有8安士，配埋薯條，有齊鹽及芥末點配牛柳。 熟度要Medium，已切好一件件，輕鬆用叉食已可以。 個人覺得已夠味，加少少芥末再調一調個肉味已經好好食。無多餘脂肪，入口超嫩滑， 係今餐嘅MVP。 甜品三選一，分別要咗自家製奶酪 (芒果味)。口感香滑，加埋酸甜嘅芒果醬汁，幾好味喎。 另一款係紐約芝士蛋糕，就係鍾意食佢嘅濃厚芝士味，份量適中，食完岩岩好。 無限用餐交枱時間，可以慢慢食，慢慢傾。#ULifestyle應用程式 #ULifestyleApp #社群 #ULifestyleApp社群 #ULifestyle社群密密送 #UCreatorHK #MOMENTSwithUCreator #社群創作有價企劃 #創作有價 #hkblogger #hkbeauty #hklifestyleblogger #bloggerhk #hkfoodblogger #hkfoodblog #hkfoodie #KOL #hkkol #打卡 #旅遊 #ublog #倒數聖誕 #社群每週活動推送 #UCommunity社群 #送禮 #GIVEAWAY #麗珠蘭 #位元堂 #阿膠糕 #邱鋒澤 #防疫 #流感 #消毒 #聖誕倒數日曆 #驅蚊 #社群生日快樂 #我想去AIA嘉年華
