天氣報告今晚轉吹北風，即係會涼啦，仲唔係去烚下烚下嘅好時機?! 放工後上呢度集合。 多款套餐以供選擇，任飲任食2小時，亦可選擇無限時吃到飽。今晚選擇Lv.1 (2小時)。 到選擇湯底時間啦，成20款唔同味道湯底，最後要藥膳椰子鷄湯。 Lv.1食嘅牛肉係牛肩胛肉再加西班牙無激素豬肉片，薄薄一片，烚嘅時間無需多，咁就可以食多D。 牛肩胛肉雖然唔多脂肪位，但肉質唔嚡口，幾有肉味。 每位仲送台式飲品一杯 呢2杯咁吸眼球嘅係愛文芒果檸檬苿莉花茶及柚子龍鳯檸檬梳打，超大杯，夠飲成餐，都唔點駛再出去雪柜拎凍飲。 仲有其他熟食，如青瓜，木耳，滷豬耳同麻辣鴨血，個咀無停過 海鮮類有蝦同沙白蜆，蝦隻幾彈牙; 沙白蜆無沙，一放湯烚好快已開口。 仲有脆骨腩，口感係爽脆，食過要加單。 其餘火鍋配料，如手打墨魚滑，濃汁牛丸，冬菇鷄軟骨餃子，芫茜燒賣，八吋長珍寶蟹柳，花膠，黑白栢葉等，全落入我地肚內。 依家用花膠做火鍋食材係基本野，呢度嘅有D厚度，食完個口腔內感到膠質感。 仲有萵荀片，芋絲，鮮淮山及冬瓜片都要叫。 蔬菜類就由羽衣甘藍及皇帝菜領軍，兩者用椰子鷄湯烚完仲多一份甜味，食多菜有益呀。任食雪糕杯及雪條，有M同D記，增加回本機率。 飲飽食飽埋單每人三百零，下次天氣轉涼又再上黎烚下烚下先。 #ULifestyle應用程式 #ULifestyleApp #社群 #ULifestyleApp社群 #ULifestyle社群密密送 #UCreatorHK #MOMENTSwithUCreator #社群創作有價企劃 #創作有價 #hkblogger #hkbeauty #hklifestyleblogger #bloggerhk #hkfoodblogger #hkfoodblog #hkfoodie #KOL #hkkol #打卡 #旅遊 #ublog #倒數聖誕 #社群每週活動推送 #UCommunity社群 #送禮 #GIVEAWAY #麗珠蘭 #位元堂 #阿膠糕 #邱鋒澤 #防疫 #流感 #消毒 #聖誕倒數日曆 #驅蚊 #社群生日快樂
