那一夜行完街突然落起大雨，見到對面呢間日式燒肉小店，二話不說就入去避雨兼開餐。 日式小店裝修 兩邊貼上推介食物 睇睇呢個”今期流行”，就知有咩特色食物。 餐單上大致分為鐵板及咖哩類主食，小食有$15嘅司華力腸。加$28轉套餐有牛舌洋蔥湯，汽水及薯條。 套餐白飯升級至牛舌筋溫泉蛋飯只需$38。滿滿嘅牛舌筋圍邊舖滿，中間有隻溫泉蛋。 篤穿隻蛋見到蛋黃汁流出，再與白飯完美配合，加埋口感柔軟嘅汁煮牛舌筋，確實唔客氣啦。 食緊之時，熱辣辣嘅安格斯牛板腱配牛舌尖($118)就出場啦，侍應幫忙倒下黑椒汁(自選)，就好似食鐵板扒餐咁，發出”嗞嗞”聲，加埋爆香嘅洋蔥香味。 唔想牛板腱太過熟就食先，切開仍然見到少少紅色，無咩脂肪，食得健康。帶點嚼口，配黑椒汁好岩數。 而件牛舌尖，將牛舌厚切成片，入口爽口軟嫩，份量夠多，用鐵板上能保持食到最後一件都仲熱，讚!! 而咖喱系列則選擇三重牛舌 ($153)，小朋友先做選擇，大人可以一次過食晒牛舌芯，牛舌尖及牛舌筋。 牛舌芯係成條牛舌中最嫩嘅部份，仍然見到有少許粉紅色，入口軟嫩中有彈牙口感。 個咖喱汁係自家調製，入口香得黎唔辣，個人覺得有D似日本嘅兒童咖喱，用黎撈飯好味; 配合牛舌可中和膩感，又估佢唔到喎。 仲有炸薯條，熱辣辣又唔油膩，帶點粗度夠口感，再飽都唔可以唔食埋佢。 唔收加一，食物份量唔會唔夠食，歡喜食牛舌及牛魔王有福了。#ULifestyle應用程式 #ULifestyleApp #社群 #ULifestyleApp社群 #ULifestyle社群密密送 #UCreatorHK #MOMENTSwithUCreator #社群創作有價企劃 #創作有價 #hkblogger #hkbeauty #hklifestyleblogger #bloggerhk #hkfoodblogger #hkfoodblog #hkfoodie #KOL #hkkol #打卡 #旅遊 #ublog #chill賞同陽光玩遊戲
