行過呢間韓國湯鍋店名係嫩豆腐鍋，睇到已經想食。 再望下門口餐牌 見店內仲有少量吉枱，一於試吓。餐廳以藍白木色為主體，牆上掛上各式推介招牌菜相片，老闆係韓國人。 掃二維碼落單，簡單方便。枱上呢個架設備齊全，有紙杯，餐具，乾/濕紙巾，牙線棒，飯焦糖及即棄圍裙，超貼心。 食韓餐指定動作，先送上泡菜前菜，心心眼呢度有辣炒年糕及炒粉絲，仲可以添食，真係未食主食先興奮。 幾款特色飲品，叫咗呢2杯都係果味為主，Pomegranate Fizz ($30)及蘋果芒果阿德 ($30)，相當抵飲。前者係紅石榴加檸檬汁再加梳打水，酸酸地又有氣感; 後者係芒果香甜味為主。兩杯都有姿勢有實際，夏天飲果味類飲品岩晒。 呢客烤牛小排套餐 ($198)，除咗有鐵板上嘅美國牛小排，仲有嫩豆腐湯，口味可以從A1-A6選擇，再有客飯，陣容相當唔少野。 牛小排以鐵板上，可保持熱度。味道幾濃味，肉質柔軟，用黎送飯都幾唔錯。而底部嘅洋蔥都香甜，唔好漏咗佢。 見已經有牛肉，就點配呢客泡菜嫩豆腐湯鍋，材料簡單，泡菜同嫩豆腐。湯質比較清，食到泡菜嘅酸及微辣味道，係爽口嘅感覺; 而豆腐果然係相當嫩滑，好似豆腐花咁滑。 每個湯鍋都有隻生鷄蛋，隨意加入熱湯鍋中，自家製溫泉蛋。呷一口湯，再食一口飯，簡單而味美。 另一客主菜海鮮嫩豆腐湯 ($128)亦出場啦，加咗個拉麵 ($15)，再另上鍋白飯。 辣度可選少辣，橙紅色湯底乃是見慣見熟。海鮮料包括蟹件，魷魚，蝦及蜆，再有嫩豆腐及翠玉瓜等。 先呷一口微辣熱湯，再將飯及嫩豆腐加入，奇妙嘅事情就出現。D白飯係比較似食糯米嘅口感，加入湯一齊食就好似食緊人蔘鷄湯入面嘅糯米，好好食。 鍾意食韓國餃子，除咗係買返屋企自己整，食韓國嘢時都會叫。呢度有豬肉蔬菜餃子 ($78/6隻)，無加入泡菜係唔辣嘅。 隻隻都有半掌咁大，皮薄餡綿，少D油會仲好，亮點要點埋個好味餃子汁，趁熱食。 無限用餐時間，店員招呼有禮，今餐食得相當飽足及滿足。#ULifestyle應用程式 #ULifestyleApp #社群 #ULifestyleApp社群 #ULifestyle社群密密送 #UCreatorHK #MOMENTSwithUCreator #社群創作有價企劃 #創作有價 #hkblogger #hkbeauty #hklifestyleblogger #bloggerhk #hkfoodblogger #hkfoodblog #hkfoodie #KOL #hkkol #打卡 #旅遊 #ublog #浪漫旅人祭 #精簡護膚攻略 #偽素顏美肌攻略 #輕鬆出遊 #泡泡潔淨 #打造韓系浪漫廚房
