附近有感謝祭，放”血”完畢，想食得經濟D，同時補充返D鐵質，食牛肉就合適，行過幾個街口就搵到呢間食扒。 晚市套餐有11款選擇，除咗牛，仲有魚，豬，鴨腿，羊架，意粉及漢堡，價錢最貴都係$280。 水泥色簡約裝潢，兩邊枱靠牆，感覺舒服。牛魔王友人二話不說就選擇安格斯級封門柳 ($190/200g)，配黑胡椒醬汁，薯條另上，擺盤精簡。 肉色較深，加埋個燒紋，要趁熱食。 落單時，侍應會問你想要熟度，呢客係五成。切開後仍然見到紅色，入口肉味相當濃，外香內鬆軟。 而我就選擇安格斯級肋眼牛排 ($190/200g)，擺盤一樣有薯條及黑胡椒醬汁。 都唔細塊，整齊嘅燒紋就”烙”在肉眼上，望見零舍有食慾。 亦都係點五成熟，入口仍帶肉汁，肉質鬆軟，邊位嘅肥膏令肉多一份油香。 每點一客晚餐，可以90分鐘薯條任食，咪以為任食就馬虎，呢餐食咗4碗，添食時要等一等，因為炸緊，入口熱辣香脆，加埋茄汁食，薯條友黎呢度會好滿足。套餐包普通熱飲一杯，想飲凍牛奶咖啡，另加$10就可以; 可樂都一樣另加$10。 無收加一，相當抵食，可以輕鬆地享受一份扒，仲有薯條放題，確係食得過。#ULifestyle應用程式 #ULifestyleApp #社群 #ULifestyleApp社群 #ULifestyle社群密密送 #UCreatorHK #MOMENTSwithUCreator #社群創作有價企劃 #創作有價 #hkblogger #hkbeauty #hklifestyleblogger #bloggerhk #hkfoodblogger #hkfoodblog #hkfoodie #KOL #hkkol #打卡 #旅遊 #ublog #浪漫旅人祭 #精簡護膚攻略 #偽素顏美肌攻略 #輕鬆出遊 #泡泡潔淨 #打造韓系浪漫廚房
