呢幢大廈有各式餐廳，今晚呢間如果唔係友人帶我黎，都唔知十樓有間咁有氣氛嘅西餐廳。 每晚七點半至九點半有歌手唱歌，樂手彈奏。九點半後仲可以點歌唱歌，環境燈光佈置相當有Feel。 當晚適逢哥哥逝世日子，全晚當然係唱佢嘅經典金曲黎懷念佢。 餐廳提供燈牌比客人支持歌手，好好氣氛呀。 未開始用餐先飲杯Mocktail，呢杯Deep Ocean ($78)以蘋果及檸檬汁加汽水，未飲已覺透心涼，甜甜酸酸有氣感，與金色枱燈忽然襯咗。 小食類選擇炸甜蕃薯配青芥辣蛋黃醬 ($48) 炸得香脆內有香甜蕃薯蓉，唔油膩，配以特色帶有點辛辣嘅蛋黃醬，甜甜辣辣好食喎。 兩款沙律中，友人睇餐牌時，覺得呢款慢煮法國鵪鶉胸凱撒沙律 ($128)幾特別，就出現係今餐中。 半棵羅馬生菜上面有D脆麵包粒，煙肉脆粒及車厘茄，再淋上專屬沙律醬，而三隻煎得皮香肉嫩嘅法國鵪鶉肶就係旁邊，有驚喜。 兩個主菜開始送上，首先有橄欖油蒜片海鮮天使麵 ($148)，擺盤顯心思。 海鮮類包括蝦，帶子及貝類，再配以車厘茄，蝦隻爽口，帶子有口感。 而天使麵份量都唔少，每條都沾上橄欖油，入口滿滿蒜香味，單食都好味道。 而另一個就係香煎銀鱈魚伴時令蔬菜配鮮橙忌廉汁 ($298)，食材顏色配搭吸睛。 厚切銀鱈魚有兩件，加埋香滑薯蓉及甜椒作配菜。 煎得皮脆，唔多細骨，魚肉超嫩滑。 一路食，一路聽住男女合唱哥哥經典歌曲，回憶返晒黎。 侍應透露呢度嘅餐牌每三至四星期轉換，鍾意聽歌/唱歌嘅人就有”口福”了。 #ULifestyle應用程式 #ULifestyleApp #社群 #ULifestyleApp社群 #ULifestyle社群密密送 #UCreatorHK #MOMENTSwithUCreator #社群創作有價企劃 #創作有價 #hkblogger #hkbeauty #hklifestyleblogger #bloggerhk #hkfoodblogger #hkfoodblog #hkfoodie #KOL #hkkol #打卡 #旅遊 #ublog #我係咖啡達人 #我要食Buffet #嗚啦吔哈 #浪漫旅人祭 #精簡護膚攻略 #偽素顏美肌攻略 #輕鬆出遊 #沉醉櫻花海 #Cetaphil舒特膚肌膚關注月
