要數今期呢區人氣火紅食店，友人話係呢一間。望見招牌燈箱有羅望子圖案及泰國國旗，泰菜店是也。 店外已經有條等位人龍，望入店內，霓紅燈裝飾，幾有泰國大排檔氣氛。 好彩唔算等太耐就可以入座，餐俱佈置及枱上醬料，真係有D似去咗曼谷食嘢。 餐牌一頁睇晒，想食嘅基本都有，價錢相當親民。 上菜速度快，首先有得食係呢客金不換辣椒炒蜆 ($88) 大隻蜆，蜆肉嫩滑，沾上惹味香辣醬汁，其實都係一味好好送飯嘅餸。 個炒蜆都有D辣度，泰奶以外嘅選擇，來一杯泰式檸檬茶 ($26)，茶味飲得出係以泰奶茶底沖製。 跟住就到泰式燒牛肉沙律 ($138)，泰式沙律就係有顏色令人賞心悅目的功能。 以甘荀絲，青瓜條，紫洋蔥，蝦米仔及車厘茄作沙律基底，淋上甜辣醬汁為沙律汁，燒牛肉軟中帶少少嚼口，一定要夾埋一齊食，雙重唔同口感。 友人想食豬手，無單食，但就有泰國街邊豬手飯 ($78)，份量絶對足夠二人分享。仲有酸菜粒及半隻滷水蛋，呢口價相當超值。 豬手已去骨，豬皮同肉腍滑，點埋個酸醋汁食解膩度。 估唔到呢碟泰式炒芥蘭 ($68)咁大碟，兩個人要好努力咁食 (哈哈..)。炒得夠脆口，唔辣嘅，好味。 最期待嘅時間黎啦，至愛嘅芒果糯米飯 ($58)上枱啦。 仲要係全部都係軟糯口感嘅白糯米，脆口嘅綠豆灑入香甜椰漿內，暖暖嘅糯米，加埋凍感嘅香甜芒果，真係好唔想同人分享呀。 食完呢餐，完全可以理解點解條排隊人龍長存於門口。 #ULifestyle應用程式 #ULifestyleApp #社群 #ULifestyleApp社群 #ULifestyle社群密密送 #UCreatorHK #MOMENTSwithUCreator #社群創作有價企劃 #創作有價 #hkblogger #hkbeauty #hklifestyleblogger #bloggerhk #hkfoodblogger #hkfoodblog #hkfoodie #KOL #hktravel #hktravelblogger #hkkol #打卡 #旅遊 #ublog #人人生日快樂 #我係咖啡達人 #我要食Buffet #嗚啦吔哈 #浪漫旅人祭 #精簡護膚攻略 #偽素顏美肌攻略 #輕鬆出遊
