同事知我歡喜食韓國菜，特登叫我去試吓呢間以湯鍋為招牌菜嘅餐廳。深啡色裝潢，主打二人及四人枱，樓底夠高，給人一種韓式優雅感覺。 未落柯打，傳統慣性做法: 先放低泡菜，仲有蘿蔔泡菜，大大件夠晒清爽口感。 主打牛部位湯鍋，亦有餃子湯，照顧唔太好牛嘅客人胃口。 雖然呢度提供多款韓式酒類，真露，燒酒，馬格利酒一定有，今餐唔飲酒，但好想食呢個解酒餃子年糕片湯 ($108)。 三大隻巨大餃子隱蔽係奶白色湯底與紫菜碎中 入口皮軟內餡係泡菜豬肉，一隻外型係巨大化咗D，但食落唔算有好負擔。 奶白色湯底清甜，連埋年糕片食好好味道，仲有D蛋絲，增加香味與口感。若然食得辣嘅，強烈建議落埋胡椒粉調味，更加提升咗個湯嘅味道。天氣又變暖，但無阻我地今餐叫呢個牛腩湯火鍋 ($388/中)嘅意向。 原因係見到選用韓牛1++，已經流口水，好想一親佢嘅芳澤。全餐都用個火爐煲住，先飲頭啖湯。哇………鮮甜到爆，飲到牛骨清湯嘅香味，夠晒熱辣，用黎送飯($18)都已經夠。 試完湯，就到主角牛腩片出場，成條長型，入口鬆化唔係嚡。 侍應送來嘅醃洋蔥係用黎與牛腩片一齊食，果然係好味，減低多食嘅肉感。 呢個火鍋係可以加配雜錦蔬菜籃 ($88)或烏冬 ($20)。怪唔之得韓國人咁歡喜食湯鍋，湯底好岩胃口，食完暖身又暧心。 #ULifestyle應用程式 #ULifestyleApp #社群 #ULifestyleApp社群 #ULifestyle社群密密送 #UCreatorHK #MOMENTSwithUCreator #社群創作有價企劃 #創作有價 #hkkol #hkblogger #hkbeauty #hklifestyleblogger #bloggerhk #hkfoodblogger #hkfoodblog #hkfoodie #KOL #hktravel #hktravelblogger #hkmamablogger #hkkol #打卡 #旅遊 #ublog #人人生日快樂 #我係咖啡達人 #我要食Buffet #嗚啦吔哈 #浪漫旅人祭 #精簡護膚攻略 #旅行都要先乳後水
