友人要去工廈買旅行喼，最終都睇唔岩，唯有化失望為食量，見到呢間，被門口梳乎厘相所吸引，就入咗去。 自己掃二維碼落單，聽住輕鬆音樂坐係舒適梳化中用餐，應覺幾Chill。沙律就得自選沙律 ($98)，自選兩款食材，呢客係牛油果配慢煮鷄胸 (加$10)。 份量足夠2-3人分享，大量沙律菜，配埋車厘茄及甜橙，顏色吸引。 淋上柚子沙律汁(自選)，鷄胸肉相當健康又加添嚼口 從來對香蒜類意粉有點偏愛，呢度有蒜香蟹肉意大利粉 ($138)，點可以唔點?! 意粉份量超多，二人分享都得。入口帶口感，偶爾食到蒜片，我鍾意。蟹肉都唔少，入口帶少少咸鮮味，無蟹殼碎。 友人係好牛之士，又未係想食晒成件扒，呢客安格斯牛肉芝士漢堡 ($148)應該可以滿足佢。 最頂層係隻煎蛋，之後芝士加漢堡牛肉，再配上蕃茄片。芝士加牛肉已經夠吸引，仲要加埋隻蛋，咬落有蛋汁流出，飽身香軟帶少少甜味，厚度勉強可以一啖咬到落底，超滿足。 本來想另叫薯條，組合薯條份量超多，食都食唔晒。幾乎每枱都會點嘅嘅甜品 - 梳乎厘。多款口味選擇，我地叫咗原味梳乎厘配楓糖漿 ($98)，上枱時都見到呢個份量都想哇一聲。 自己要幾甜就落幾多楓糖漿 口感超級鬆軟，慢慢滲出蛋香味，加埋香蕉/士多啤梨及忌廉一齊食，等20分鐘都值得。飽到一個點，開心而滿足地歸家。 #ULifestyle應用程式 #ULifestyleApp #社群 #ULifestyleApp社群 #ULifestyle社群密密送 #UCreatorHK #MOMENTSwithUCreator #社群創作有價企劃 #創作有價 #hkkol #hkblogger #hkbeauty #hklifestyleblogger #bloggerhk #hkfoodblogger #hkfoodblog #hkfoodie #KOL #hktravel #hktravelblogger #hkmamablogger #hkkol #打卡 #旅遊 #ublog #人人生日快樂 #我係咖啡達人 #我要食Buffet #嗚啦吔哈 #浪漫旅人祭 #精簡護膚攻略 #旅行都要先乳後水
