食開果間唔做晚市，發現一樓有呢間又係食鷄湯米線，網上評語唔錯而且要排隊。去到都要排十個內，唔駛排好耐就可以入坐。店內面積一眼見晒，翻枱時間都快。 以鷄湯米線作招徠，選擇都幾多。鍾情胡椒豬肚，所以好合理地叫胡椒豬肚鷄米線 ($60)，米線可轉飯/米粉，就轉米粉。 先試啖湯，唔油膩幾甜，胡椒味就偏淡，變湯米食，米粉及其他配料偏少。 豬肚絲口感普通; 鷄隻見佢出面交貨盒寫住冰鮮黃油鷄，鷄肉幾滑及幾有鷄味，份量有幾件。整體份量就普通咗D，食晒成碗未至於好飽。 小食類都幾多選擇，鷄翼類好多機會食到，咁就叫呢客金磚豆腐 ($42)。入口超熱，外脆內嫩，無需點醬汁，外皮已有調味粉及黑芝麻，好好味喎。 跟餐叫柚子梳打只需$12，用黎一邊食炸物一邊啜一啖，正正。#秋季必備湯水 #生活足跡#假期推介#chill賞遊世界#ucreatorhk#好去處#相機食先#Chill歎旅遊#透亮抗敏#缺水肌必備
