想搵個坐得舒服，可以CHILL下又有80/90年代嘅外語金曲聽，可以黎呢度。 有個DJ打碟位，加上燈光及牆上特色海報佈置，電視不停播放經典外語MTV，遇著熟悉嘅旋律，身體不期然都想跟住郁。 除咗有Happy Hour，仲有個6道菜嘅Tasting Menu，由餐湯食到甜品，無咩主意想食咩嘅都係個唔錯嘅選擇。 簡單地叫個凱撒沙律 ($88)， 另加燒鷄胸 ($48)，成客份量可作為輕怡版主菜都得呀。 爽脆羅馬生菜配香脆煙肉片，淋上凱撒沙律醬汁，已經相當清新開胃。而加錢要嘅燒鷄胸，外面有層燒烤香味，肉質出奇地嫩滑，食到少少黑椒碎味。 牛魔王友人點選草飼澳洲肉眼牛扒 ($298)，以木板上菜，有薯仔及啡菇作配菜，另有燒汁及芥末籽醬點食。 件肉眼牛扒有10安士，獨享絶對有餘。整件”披上”格仔燒紋，散發肉香。 柯打五成熟，切開後入面仍見半紅色，肉汁緩緩流出，頗鬆軟又帶少少嚼口。加少少芥末醬食晒成件都唔覺膩。 我就食燒鷄漢堡 ($128)作為今晚主菜，見到有薯條個好拍檔，不感意外吧?! 炸物從來好難抗拒，未食主角，先食薯條。粗度係我歡喜嘅，熱脆滿滿。 鏡頭又返返黎主角度，飽身係有烘香過，外脆內鬆軟; 半熱熔芝士舖係鷄肉上，仲有紫洋蔥，生菜及蕃茄，加多塊咸香脆煙肉，個醬係辣版他他醬，為呢個漢堡增加刺激度。 今餐除咗飽肚外，視覺及聽覺都相當滿足，令人回味。#ublog #foodie #foodblog #cwb #western
