打完風天氣忽然轉涼了，真係有D秋涼感覺，胃口亦開始”轉季”了，又係火鍋時間，友人話去呢間食火鍋放題。 提供ABC餐三款選擇，食高級日本及澳洲和牛套餐 (C餐) 係$308，任飲任食120分鐘。 特色湯底有十幾款選擇，有辣有唔辣 簡單又下火之選莫過於芫茜皮蛋湯，仲有埋馬蹄，多D芫茜就仲好 自己掃CODE落單，方便又環保 等緊湯底滾起時，出面有熟食區，多款餐前小食比你食住先 我地就拎咗惹味大荳芽菜，四季豆，土豆絲及鷄腎，仲有個麻辣醬伴冷麵，真正食住等。 拎完醬料，再去拎凍飲 首推香茅檸檬茶，甜度適中，幾有檸茶味。 湯滾起就係代表火鍋時間開動，先黎日本黑毛和牛，切成一大片，油脂分佈美麗 用筷子夾住拖幾拖，一轉色就食得。肉質相當嫩滑，毫不花氣力就直人喉嚨。 再黎澳洲和牛 肉質比起日本嘅唔差好遠，都係滑嫩，肉味頗出少少。 仲有牛舌及牛板腱 亦有西班牙黑毛豬 沙白，八爪魚，蝦，帶子，珍珠貝，鱔片呢D海鮮類都有得叫點擊圖片放大 沙白烚到開口就食得，鮮甜，食唔到有沙。 蝦肉就幾彈牙，放幾串一齊烚，就可以令你”蝦蝦蝦” 花膠作為火鍋料都唔係新鮮事，但呢度嘅除咗夠厚度之外，仲要唔駛烚好耐就食得，養顏之選。 其他丸類/炸魚皮/響鈴/午餐肉，連鷄子都有，就係出面自取 係咁易拎D試下邊款好食先，推呢粒黑椒牛丸呀，黑椒味出，又彈牙。 一碗碗蔬菜放係雪櫃，乾淨衛生 款式除咗大路嘅菜芯，娃娃菜同生菜外，仲有羽衣甘藍及冰菜，正菜。 見到有呢個自家製胡椒麵，未食過就叫個黎試下。真係食到有胡椒香辣味，幾過癮。 記住要留少少肚食埋個雪糕先，細細杯唔怕食唔晒，呢杯乳酪味作為甜品都OK呀。 #ublog #foodie #foodiehk #foodblog #mk #hotpot
