雖然立秋後仍未轉秋涼，但火鍋意欲就已經盟起。友人介紹呢間新開無耐嘅樓上火鍋店。 店內有大電視，岩晒香港人; 裝潢走古色古香路線，亦有獨立房間。 多款特色湯鍋中，選擇香濃沙嗲湯拼雜菌素清湯，一濃一淡。沙嗲用黎配牛肉，雜菌素清湯可以配丸及菜類。 見佢枱面上有小食類餐牌，款款都係$78 趁個湯未滾起前，食住隻大澳蝦醬單骨鷄翼 ($78)先，即叫即炸，炸至皮脆肉唔乾，食到蝦醬嘅咸香味但唔會太咸，單骨易食，送酒/凍飲一流。 想一次過試到幾種唔同牛部位，友人提議招牌至尊牛拼盤 ($438)。當中包括手切本地牛，安格斯，金錢展及牛白肉。 手起筷落，第一片牛就黎手切本地牛，入口鬆軟，肉味幾出，正。 安格斯跟後，肉質再鬆軟D，一口一片，仲正。 牛白肉即係牛胸爽，看似肥膩，但入口出奇地爽口。 金錢展就多點嚼口，唔同口感，用黎做火鍋配料都岩數。 再叫牛舌及霜降牛粒 牛粒可以烚耐少少都唔怕，咬開後有點油脂係口內流出。 一口氣完成牛肉類，係時候到精品四式，有手打鮮蝦丸牛丸，韭菜豬肉餃及鮮蝦雲吞，一次過可以試晒手打丸及餃類 呢粒鮮蝦丸入口紮實又彈呀，並唔係一粒粉糰，手打果然正斗D。 而隻韭菜豬肉餃夠晒飽滿，食完2隻都幾飽肚。 火鍋點都要有菜，為照顧各人對菜嘅喜好，呢客蔬菜拼盤 ($88)就做到嘢啦。分別有油麥菜，娃娃菜，白菜及唐生菜，放得個籃實的的，相當抵食。 見到個沙嗲湯底咁濃味，靈機一觸叫客稻庭烏冬 ($50) 咁就完成一碗沙嗲味烏冬，確保飽到上心口地離開， 哈哈哈……… #ublog #foodblog #foodpics #foodiehk #hotpot #TST
