友人食過佢嘅午餐，話夜晚有埋K唱，叫我陪佢。 推門入去似酒吧多D，有打碟區，八點後仲有K唱，樓上有房間。 咪講咁多，行到熱熱地，先啤一啤佢 ($68)，一口氣飲咗半支，冰涼舒爽。 一客有4串嘅鷄腎 ($38)，伴以辣椒粉 燒得岩岩好，乾身之餘但又唔會嚡，再掃層甜甜地嘅燒汁，好味。 歡喜食免治雞肉棒 ($28)，呢度都有，以辣椒粉代替鷄蛋/沙律醬。 咬落偶然食到軟骨碎嘅脆度，單食都夠味，點少少辣椒粉就輕輕增加刺激性。 再嚟牛仔骨 ($68)，灑上辣椒粒同炸蒜碎，肉質有點嚼口，惹味之選。 呢份雞中翼 ($68)，相當抵食 外皮香脆唔在講，仲多一份甜味，似掃咗蜜糖咁，唔經唔覺好快被食晒。 一客兩件嘅日式忌廉薯餅 ($48) 咬落外脆內有creamy嘅餡料，熱度十足唔油膩。 再有芝士春捲 ($48)，長幼狀內包住芝士，咸咸香香。 除咗有佐酒嘅串燒炸物外，另有其他主食，如意粉，湯烏冬/拉麵等，係度開埋餐都仲得，呢碗牛舌湯烏冬 ($55)就係我地今晚主食。 未食先聞到好香又熟悉嘅香味，係丁麵嘅麻油味，配湯烏冬亦夾; 而片牛舌係先煎香，厚切但入口一D都唔韌。 總括黎講，呢間食串燒嘅，份量相當抵食同好味，同朋友飲下食下都唔錯。#ublog #foodiehk #bar #jordan #foodpics
