週末係咁喪煲韓劇，今晚放工好想韓燒，組員立即做野，相約到呢度開餐。 店內面積都幾大，安排坐於窗邊卡位，坐得寬敞舒服。 指定動作，送上幾款前菜，生菜及沙律，除咗沙律外都可以無限添加。開好火爐後，係爐邊加上芝士粟米及泡菜蛋，兩樣亦係任食。 醬油蟹被喻為”偷飯賊”，原來醬油蝦都唔輸蝕。友人想食韓國醬油蝦配紫菜飯 ($138)，”慷慨”咁分咗D比我試吓。 說穿了其實變相為蝦壽司，蝦肉索入醬油味道，帶微甜，肉質彈牙; 可以夾埋少少辣椒一齊食，正喎。 網面已燒熱，一開波就打大佬先，黎客特級牛肋骨 ($288)，除咗主角，仲有隻生蝦。 要將佢剪成一半先夠放係網上燒，轉色就食得。肉質幾鬆軟，味道偏甜，無需點醬汁食都夠味。 隻蝦就跟手燒埋黎食，蝦肉滿滿。 睇得韓劇多，最常見佢地燒厚切五花腩 ($138)，呢份脂肪同肉嘅比例均勻，唔會係肥膏多過肉。 原條燒，可以燒得乾身少少至脆口，燒好就用鉸剪剪開一件件。傳統食法用生菜包住少少飯+肉+少少辣醬+泡菜，包埋一啖咬落去，多重口感亦可以中和腩肉嘅膩度。 食緊五花腩之際，呢客甜辣炸雞(半份/$118)就送上，堆砌成炸鷄山咁款，仲有少少薯條伴碟。 比較喜歡食有骨版，鷄件炸至香脆，個炸漿粉唔算太厚，再淋上酸甜汁，鷄肉仍保持濕度，熱辣辣相當唔錯。 食韓燒有肉又點少得酒?! 想舒爽又甜甜地易入口嘅，非馬格利生米酒 ($98)莫屬 飲杯………………(豪邁感滿滿中…) 加多個”豬隊友”，韓式豬皮配炒芝麻 ($78) 燒至略帶金黃色就OK，口感軟糯，口腔有滿滿嘅骨膠原，配埋個炒芝麻食，加多份芝麻香味。 呢度仲有樣得意嘅甜品供應，就係佢…………….夾心棉花糖配朱古力威化餅 ($68) 燒棉花糖平時真係燒野食先有機會，估唔到今晚都有得”玩” 當棉花糖燒至外脆內軟，就係用兩塊朱古力餅夾埋嘅時間，甜度爆燈，邪惡度亦爆燈。 抽油煙做得幾好，食完無成身燒肉味道，唯冷氣可以開大D就仲好。#ublog #foodblog #foodiehk #foodpics #korea #bbq #mk
