店如其名，主打鷄，星期日休息，想食嘅要留意。 包括大熱黃酒藥饍雞/花膠鷄濃湯。食過覺得番尋味，今晚去要排隊，人龍都有成十幾個，好彩最後唔駛等好耐就有位。 上次試過黃酒藥饍雞米粉，今次就轉第二款，胡椒濃湯雞米粉 ($59)，相當大碗。 最期待嘅時刻當然係飲頭啖湯，想講嘅係胡椒味相當濃，亦見到粒粒胡椒係湯內，比起胡椒豬肚湯，呢啖黎得辣中帶甜味。飲完個人好舒服，飲咗佢差唔多半碗 (無味精)，搞到D米粉最後係食唔晒嘅。 鷄肉量亦唔多客氣，啖啖肉，可能索咗湯嘅甜味，嫩滑之餘亦夠味道; 仲有少少木耳作配菜。 仲有小食提供，叫客”失傳已久的豬扒” ($28)，帶點厚度嘅有骨豬扒，煎好就切開幾件，方便易食。 熱度十足，外面帶少少鬆脆，肉質相當鬆化，醃得相當入味，帶少少微甜，用黎送湯米正呀。 #ublog #foodblog #foodiehk #chickensoup #KT #foodpics
