呢一間比我感覺走清新簡約嘅西餐廳，耐唔耐就想去會一會佢。佐敦站落車行幾分鐘就到，比起再落多幾條街多一份寧靜舒服感。 今次被安排坐房用餐，私隱度高D。新出有個手搖秘製醬汁海鮮拼盤 ($488)，有龍蝦及幾款殼類海產，亦有晚市套餐。 套餐落咗單唔駛等好耐，就送上是日餐湯，薯仔忌廉湯，配埋一片脆多士。 熱度相當夠，湯質亦夠厚身，每啖都充滿香濃薯仔味道，偶爾食到薯仔粒，唔似用粉開，飲完都幾暖身。 再散叫個沙律，幾款選擇中點選煙三文魚薯仔沙律 ($98)，份量夠2-3人分享。 粉橙色嘅煙三文魚唔會過咸，加埋爽口沙律菜及小薯仔，食量少嘅朋友應該可以當一個主菜。 主菜類選擇為澱粉與肉類六四比例，咁就一粉一肉啦。 係意大利粉/飯之中獲勝嘅係卡邦尼黑松露片意大利粉 ($228)，滿滿的一客意粉，有點似一個冷球。 黑松露片”空降”係奶白色嘅忌廉色意粉，份外鮮明。松露醬就食得多，本尊真身就好似初次，口感與味道都幾特別。而個醬汁香滑濃厚，每條意粉都被包圍住，加埋煙肉嘅咸香味，一定要趁熱食。 要用兩個字黎形容呢客炭燒美國安格斯肉眼 ($358)，首先係………….”好香”，侍應放低後已傳來陣陣肉香味。 件肉眼重約十安士，燒紋都烙印係肉上。 柯打五成熟，切開仍然見到紅色 肉質相當嫩滑，輕鬆切開無難度，”吉”落去仲有肉汁流出，肉味幾香，相當唔錯。 有埋餐飲及甜品，專登留返食甜品時先叫杯伯爵紅茶，與紐約芝士蛋糕一齊享用，紅茶可以中和芝士蛋糕嘅甜味，呢個配搭，個人覺得無得輸。 #ublog #foodblog #foodiehk #food #foodpic #jordan
