約一大班人去食火鍋放題基本上係一個好主意，一個價錢已封頂，任飲任食。但基本上要齊人先入坐，始終有限時嘛。 但呢間竟然係無限時架，就算有朋友遲黎都無問題，其他人可以食住等。 三款價位套餐，愈貴肉質同肉款都升級，今晚試下$308呢個入門級。 入座後就要選湯底，共有12款湯底選擇，”好”辣嘅有麻辣，唔辣嘅有一系列藥饍養生。 最終點選呢客藥饍養生花膠鷄涮涮鍋，女士最愛花膠，都幾厚身，仲有鷄件及其他藥材，滾起先飲啖湯，唔太濃嘅藥材味，味道幾甜。 掃QR Code落單，簡單方便又環保。每枱送上黃金炸魚皮，仲有4種味粉可加，一路食一路用手機落單，務求令你個嘴時刻都有野食。哇哈哈……………… 飲品就出去雪柜拎，種類真係花多眼亂，有樽裝冷泡茶，汽水，清熱爽，果味類飲品等 最驚喜係見到佢…………………………… 基本上落單後好快就送上材，當然先黎美國安格斯肥牛及西班牙無激素豬肉片。 薄薄片，好快就熟，肥牛唔會太多脂肪，食起黎唔會係係柴皮口感。 而豬肉片肉質都幾滑，無雪味。 除咗有火鍋食材，亦有呢2款前菜任食，個嘴真係好忙…… 又一輪食材送上，今次輪到海鮮類主打，有蝦，脆鯇魚片，鴨血 亦有唔同款嘅手打丸，如墨魚丸，牛丸及豬肉丸，細細粒唔怕好快飽。 發現新大陸；芋泥貢丸/墨魚腐皮卷/爆醬濃芝牛丸 (流心) 呢粒爆醬濃芝牛丸 (流心)要小心食，一咬先有牛丸肉汁爆出，內面嘅芝士流心都唔講得笑，咸中帶甜，過癮。 身為有芫茜關注組組員之一，當然要試下呢粒芫茜燒賣。幾煙韌，芫茜味都幾出，一粒兩啖可KO，可以食多幾粒。 仲有金沙魚蛋及芝士小籠包 (流心) 粒魚蛋內裏有咸蛋黃流出，幾惹味喎。 點可以少得蔬菜?! 唐生菜/娃娃菜/羽衣甘藍每款各一 食完咸又要食D甜，每位有雪糕一客，有H同M記選擇，友人係M記朱古力味忠粉，而我就要D記嘅焙茶味甜筒，食埋唔止吃到飽，係超飽。 #ublog #foodblog #foodpics #foodie #hotpot #mk
