係呢個商場買完野又到開餐時間，咁多餐廳選擇中，雙腳不由自主地又行去呢間…………哈哈。 冷盤有四喜烤夫 ($48)，份量二人分享啱啱好 烤夫夠入味，鬆軟口感; 配埋木耳及毛豆，加幾分唔同口感。 惹味之選有干煸四季豆 ($62)。以蝦米肉碎加埋濃味醬汁一齊炒嘅四季豆，入口有豆嘅甜味，亦食到蝦米嘅咸香味，用黎送飯就一流。 食得餛飩多，今次試下唐芹水餃麵 ($52)，清湯底，配兩條小棠菜，賣相相當清淡。 皮身有點厚度，咬入食到微香唐芹味，豬肉填滿整隻水餃。 上海菜中，例牌會叫碗酸辣湯麵 ($55)，大大碗，二人分享都可以 湯中嘅配料主要有豆腐，木耳，冬菇及荀; 湯底唔算好”杰”，酸辣度溫和 麵條係幼身，軟硬度適中，湯汁可以掛上。 以呢客炸饅頭 ($32)為甜品，即叫即炸，金黃色外脆內鬆軟，加埋香甜煉奶點食，點忍得住唔一件接一件。 食完仲可以嘆多壺茶先埋單。#ublog #food #foodie #foodpics #上海菜
