好耐之前黎過呢間以食西式煮海鮮嘅餐廳，未食過嘅就以為佢以蟹為名嘅就主打食蟹，其實仲有其他海鮮食架。 用餐區要上二樓，上到去就見到六格魚缸，內裏有龍蝦同蟹，隔離仲有個打卡位 柔和燈光中被安排卡坐，有2人套餐 ($798)，每個項目都要選擇岩食嘅野 先上餐湯，暖下個胃。難得選擇龍蝦湯無需加錢，但我都情傾黑松露野菌忌廉湯配意大利香草飽。湯夠熱之外，成個湯充滿住黑松露野菌嘅味道，入口有野菌碎粒，喜愛黑松露獨有香味嘅食客一定會愛上。仲有個意大利香草飽上脆下軟，SO GOOD。 餐包紅/白/氣酒2杯，唔”酒”嘅，可以轉飲汽水。氣酒配海鮮，望住D氣泡上升，呢一刻感覺相當治癒。 頭盤五選一，想食海鮮類就再要加D錢，呢客係另加$30嘅法式煮青口，選擇白酒牛油汁煮，用蒜蓉飽黎點汁食，應該廚師嘅細心考慮。 無認真檢測過，但應該每隻青口都有肉。入口嫩滑又無咩沙石，KEEP到有少少酒香味，法式煮法配個牛油汁就應該無輸嘅。 主菜係新奧爾良海鮮袋對扒類，二選一。應該都唔難選擇啦…哈哈! 店員幫忙SHAKE好先開袋，確保入面嘅每樣食材都難途醬汁嘅包圍。 開黎見我…………………….多款海鮮中選三款，入選佳麗有小墨魚仔，翡翠螺同原隻去頭魷魚。仲有粟米，原隻薯仔及腸仔作配菜，都相當豐富。 配以檸檬胡椒醬汁，有鮮檸嘅微酸味道，胡椒味幾出，醬汁偏厚身，各款食材可以輕易掛上醬汁。 呢度嘅翡翠螺超大隻，比起自助餐食到嘅係加加大碼，口感有螺肉嘅嚼口，食完一隻都超滿足。 而隻去頭魷魚得中間個身位，可以用手撕開一圈圈黎沾醬汁食又得，軟身得黎帶少少嚼口。 就咁食海鮮可能未必好夠飽肚，好彩仲有個意粉/意大利燴飯。四選一就要埋個有海蜆嘅新英格蘭白酒蜆扁意粉。 海蜆圍邊，加入蒜粒一齊用白酒煮，未食已經香味撲鼻。意粉係我鍾意嘅有口感，唔係煮到淋晒。再加埋海蜆，滑溜口感，加埋意粉都唔會太過heavy。 套餐未有包埋甜品，否則就有個更完美句號。#ublog #food #foodie #seafood #wanchai #foodblogger
