友人岩岩搬咗過黎呢個屋苑，上去參觀完屋主就帶我黎呢度食埋飯先散水。 半開放式格局，有卡位亦有梳化位，燈光柔和，坐得都幾舒服。 見到有二人餐，望落都唔錯，但友人唔食牛，唯有捨棄 好彩佢仲有晚市套餐 是日餐湯係洋蔥忌廉湯，入口有洋蔥香甜味，加埋忌廉增加香滑度; 而加$28可轉龍蝦湯，湯內有隻蝦球及少少多士脆粒，幾香龍蝦湯味。仲有鬆軟餐飽配食，LIKE呀! 五款晚餐中以肉類為主，有豬/牛/羊/鷄及魚選擇，梗有一款岩食煎魚對我黎講從來都吸引嘅，所以就選擇香煎比目魚配滕椒牛油忌廉汁 ($238)，配以橙色蔬果為代表嘅配菜 (甘荀仔及南瓜)，仲有客烤蒜頭，賣相吸引呀。 有片青檸，可以唧少少係魚肉上提鮮亦可; 一客有兩件，魚皮煎得香脆，帶點厚度嘅魚肉，無骨可以開心輕鬆食，點少少滕椒牛油忌廉汁多一份油香味，份量岩岩好。 友人就點咗客燒紐西蘭羊架配薑味甘荀蓉 ($288)，整體擺盤比人一種高水準感覺。 兩件羊架燒得表面帶少少焦香位，切開內裏仍帶少少粉紅色，友人表示羊味幾出，入口幾鬆軟及仍帶少少肉汁。無論與燒汁又或係沾少少薑味甘荀蓉都同個肉係夾嘅。配菜方面除咗都有甘荀仔及原個燒蒜頭外，另有烤薯仔，保證夠飽。 套餐包埋餐飲，今晚想飲得特別D，佢枱上有D特飲推介，補錢轉飲蝶荳花梳打 ($42)及鳯梨梳打 ($42)。一紫一黃，打咭一流。飲落有檸檬及鳯梨嘅果香味，加埋梳打嘅有氣，呢D轉熱日子飲岩晒。 第時再探友人，又多個開餐地方。#ublog #foodie #foodiehk #taikoo #dinner #foodblogger
