又係呢個商場買完嘢，當然食埋飯先返歸啦，今晚簡簡單單黎呢度食餐上海菜。 上海菜冷盤好多時都有醉香系列，醉鷄呢度當然有啦，但醉香豬手 ($65)就唔係每間店都有。 未食先聞到酒香味道，入口夠凍，豬手斬至一口size容易食。豬皮係爽脆，食到淡淡酒味，仲有D筋位咬下，正~ 友人想清清地就叫咗個菜肉雲吞麵 ($52)，配以清湯底。麵量相當多，偏軟身，食晒都應該好夠飽。 菜肉雲吞有4隻，餃皮唔會過厚，入面嘅菜肉餡調味適中，兩啖一隻岩岩好。 頗受食客歡迎嘅嫩鷄煨麵 ($58)，就成為我今晚嘅主食，又係好大碗。 奶白色湯底入口帶點雲腿味道，熱辣辣不禁飲多幾啖先食麵。鷄肉係粒上，配以菜粒，食完成身暖和咗。 晚餐梗要加多一點綠，中菜可以炒碟菜又得。呢客蒜蓉炒白菜仔 ($55)，蒜香味惹人胃口，份量2人食岩岩好。 壓軸出場有…………………炸饅頭 ($32)，一客六件，每件都炸至金黃色又肥嘟嘟，口水已流出。 點埋佢個黃金拍檔煉奶，酥脆香甜，當作甜品食，再飽都食得晒。 枱上有個貓山王榴槤甜品推介，留待下次。 #ublog #food #foodpics #TKO #上海菜 #foodie #hkfoodie
