呢個商場入面,係樓下血拼完,過隔離搭升降機就可以有唔同食店比你選擇。今晚上黎七樓呢間 嚟得呢度開餐,又點可以唔食酸菜魚呢?! 呢客招牌酸菜魚 ($238),係選用海鱸魚,魚頭經油泡過,香香脆脆,魚肉更嫩滑,錯過咗就可惜啦。 魚身起肉變魚片,份量都唔少; 魚肉相當滑溜同無細骨,食起黎相當輕鬆。 湯底有麻香味,呢個辣度係小辣,酸度適中唔會嗆喉,就咁單飲都無問題。 除咗魚片,仲有金菇菜及芽菜,增加唔同口感 再夾就發現仲有萵荀片同寬粉條,呢D食材來酸菜湯底就係so good。若果份量再多D就仲good! 點都有D辣度,叫呢杯大檸樂 ($26)就岩晒,無改錯名,真係超級大杯,杯身係用出面嘅啤酒杯,我就食完成餐都飲唔晒,勁呀。 呢度除咗有川菜外,仲有D我吔食開嘅小菜/小炒類。就好似呢隻走地鹽焗鷄 ($100/半隻) 話明係走地鷄,皮下脂肪含量低,成隻鷄已經有咗咸味,無需任何醬汁加持,簡簡單單已經好好送飯。 今晚兩個人就咁叫呢D都已經好飽肚,下次一定要留位食糍粑。#ublog #foodie #foodblog #foodpics #CWB #酸菜魚