未飛去日本住，今晚黎呢間日式小店熱下身先 店內面積一眼望晒，吧枱設計，坐位約十個內，裝飾佈置好日系，放滿不同日本酒及海報，由老闆一人主理。 睇完餐牌可以自由落單交比佢，主打佐酒小食/串燒/炸物，另有秘密餐牌 (可向廚師查詢) 最早出場係小食...................手工櫻花蝦醬拌凍豆腐 ($48)，賣相吸引電話食先 櫻花蝦隱藏於洋蔥絲中，嫩滑凍豆腐上淋上櫻花蝦醬，為淡味嘅豆腐加上惹味，每一啖都令人回味。 今晚必需酒...................老闆介紹呢支越後啤酒，夠凍無咩泡，啤酒味普通，好易入口，一口氣飲咗半杯，超爽。 冰凍啤酒在手，串燒在我左右，哇哈哈.......燒五花腩 ($28)..........汁煮後再燒，燒肉味撲鼻，又食到芝麻香味鹽燒鷄串 ($16).......... 再燒耐少少時間仲香口燒鷄尾串 ($16)燒鷄心串 ($16)...........軟身中帶少少口感，一口一心，調味粉記一功 個人黎講對呢串燒鷄尾串比較深印象，開初都擔心會否食到一口油，但又無喎，無異味，再燒至脆身D會仲岩胃口。 呢個關東煮牛肋條 ($98)，材料有牛肋條及蘿蔔，配以清爽京蔥碎，解以肉嘅膩度。 牛肋條煮得相當夠火喉，入口鬆化唔痴牙; 紅白蘿蔔兩種都腍甜，湯底清甜，味道有點似韓版嘅炆牛肋條但清湯版，若果有埋其他關東煮如芋絲等就仲正。 晚市提供飯/烏冬，望落大多數都岩食喎 涼涼地，叫個厚切叉燒黑蒜濃湯手打烏冬 ($108)"補補"先 份量都可以二人分享，先試啖湯，入口唔太油膩，熱度甚夠，蒜味唔會過濃，帶點厚度。 三大舊厚切叉燒，先煎香表面再放入湯烏冬。上肥下瘦，配埋個滑口烏冬，滿足又飽肚。 氣氛環境都幾似日本屋台FEEL，食物價錢與質素都吸引人再幫襯，呢D小店要多多支持。#ublog #food #foodie #japan #princeedward #foodblog #foodpics
