升降機係八樓停低開門，就被呢個DJ打碟播歌區吸引住眼球。雖則未有DJ打碟，但就響起經典旋律。 食物種類包括小食/沙律/湯/薄餅/肉類/意粉/意大利雲吞及甜品都有，另外黎Round Happy Hour都得食西餐指定動作，食個沙律作個開胃菜兼加多一點綠。沙律有兩款，二選一就係㕑師沙律 ($88)，另加燒鷄胸 ($48)。份量之大真係當一份健康主菜都得呀.......... 可選擇油醋汁代替沙律醬，件燒鷄胸肉想講嘅係超級嫩滑，一D渣都無 (若果減肥要食鷄胸肉餐，食呢款包無問題); 加埋爽脆沙律菜，又有大量青瓜粒及車厘茄，加埋烚蛋片就仲好睇又好食啦。 係四式芝士薄餅與漢堡之間掙扎，最後獲勝係.............................燒鷄漢堡 ($128)，原因想食埋薯條 選用嘅漢堡飽睇得出唔係普通貨色，色澤吸引。件鷄扒直徑仲大過個飽。 材料除咗有鷄扒(入口微辣亦係嫩滑)，仲有片烤得脆口嘅煙肉片，夾埋蕃茄芝士菜加少少辣椒碎，一口係無法由頂咬到落底部; 飽身鬆軟唔乾，相當唔錯。 友人點選嘅係烤蒙古豬扒 ($268)，賣相吸引，件豬扒有成十安士，份量岩岩好。 附設兩款特色醬汁: 有D辣度嘅辣椒碎及酸甜汁，兩款都可以中和豬扒嘅膩度; 件扒本身亦有類似叉燒醬嘅醬汁包住，入口即時諗起燒排骨嘅味道，甜甜地都幾好味; 肉質唔會烤至過乾，時間控制得幾好。 聽住經典英文歌，享受住美食，樓上都可以食好西。#ublog #food #foodie #foodpics #dinner #CWB
