睇咗YT美食頻道介紹餃子店，咁岩有間係觀塘，評語仲唔錯，當然想試下係咪真係咁正就係呢間，可能出咗街之後，未行到店門口已經見到一堆人等緊位，好彩好快都有位 多款餃子，有D一定要煎，例如芝士系列。而生餃要三日前預訂。 今次初試蒜芯鮮蝦豬肉餃 ($56/8隻)，因為有蒜芯，所以我選擇煎嘅 餃子體積唔算話好大隻，煎得外皮夠香脆點D醋食煎餃係指定動作，趁熱快D咬一口，食到蒜芯鮮蝦豬肉，蒜芯味幾出，鮮蝦仲係原隻，調味得唔錯。 餃子加$8可配上海麵/米線，湯底為特濃豬骨湯底，唔油，份量適中。 有辣菜圃碎試食，用黎送上海麵都唔錯，咸香有辣度。 供應冷盤小食，試咗手拍青瓜 ($24)，蒜泥淋上青瓜上，醬汁為酸辣味道，食起黎相當清新醒胃。 星期五開多一個鐘至九點關門，但到八點已經截客，想食嘅記住睇鐘。(今晚坐正垃圾桶隔離，感覺有D唔太好，見到店員冚返個垃圾蓋後，隨即去傳菜.................希望店主多加留意)#ublog #foodblog #kwuntong #dumplings #foodpic #food #foodie
