又係呢頭買完花，當然食埋先返屋企，今晚行多幾步過去深水埗食西餐 時間尚早剛開始晚市，裝修幾岩Channel，播住輕快音樂，涼一涼個身先慢慢落單 仲夏夜仲係令人想起沙律，而我地今晚就選擇咗水牛芝士烤雞蕃茄沙律 ($98)，水牛芝士與老拍檔蕃茄嘅合拍程度無用懷疑，今次加多咗烤雞，又會起咩微妙變化? 答案咪係多樣嘢食，豐富咗整份沙律嘅口感; 烤雞烤至鷄皮微脆，半點脂肪也沒有，健康! 大量清脆沙律菜，淋上蜜糖芥末籽汁，甜甜地好開胃。 今晚好想食漢堡，呢客滋味雙層藍芝士牛肉漢堡 ($118)就送咗上我哋張枱度啦.....哇哈哈! 飽身係用黑糖飽做，食落帶少少甜味; 雙層藍芝士牛肉，入口先有藍芝士嘅重口味，之後肉汁係口腔內流出，一D都唔乾身，味道稍淡，與芝士混埋一齊食就岩岩好。 呢客加拿大豬鞍配蜜糖芥末籽汁 ($158)，係餐牌上係有個GOOD手指標記，應該係廚師推介。配菜有薯條及羽衣甘藍 件豬鞍厚切程度唔嘢少，無咩肥膏位，煎得微金黃色，都幾吸引 分割得相當輕鬆，肉質鬆化，點D蜜糖芥末籽汁食，又岩數喎。 黎多杯餐後啡，咖啡師送上鷄頭拉花，Latte入口相當綿滑，溫度岩飲，咖啡濃度又唔會令你晚上瞓唔著，手勢唔錯。 有二人及四人套餐，價錢都相當抵食，下次可以試下 #blog #ublog #foodblog #SSP #fusion #food #foodie #foodpics
