呢間主打一人一鍋嘅台式火鍋放題餐廳，今晚終於有機會同朋友放工黎食 六款放題套餐中，由美國牛到日本A4和牛都有得食，小試牛刀，就點選Prime Grade 牛肩胛肉套餐 ($223) 飲品自取，汽水/茶類/涼茶各色其式 多款湯底中，基本上係以藥膳湯為胆，合乎台灣火鍋以養身為基底。呢個係藥膳台灣麻辣鴨血凍豆腐湯，叫咗小辣，辣椒唔算多; 見到有紅棗，杞子等藥材，麻中偏甜，好夠味，食材唔點其他醬料都可以。湯底中有我最愛嘅鴨血同凍豆腐，呢對孖寶同麻辣湯底真係絶配。 除咗牛同豬肉係落單外，其餘火鍋配料都係自己出去拎Prime Grade 牛肩胛肉，脂肪位唔算太多; 而西班牙無激素豬肉片肉色粉嫩，薄薄一片容易熟 牛肩胛肉邊位帶些少脂肪，食起黎多份油香，肉質結實中又幾嫩口 個豬肉片肉質都係嫩口，一啖一件無難度 多款台式丸類，香腸，燒賣，午餐肉，蟲草花，海帶結應有盡有 個人覺得佢嘅牛丸，紮實得嚟又幾有牛味，驚喜位，當然要拎多幾粒啦 比我見到有血米糕，真係好鬼台式，未試過就夾D試下 烚完變成糯米軟糯，本身無咩味道，點少少醬油食又幾得意 蟹棒烚幾秒就食得，用黎索湯代替響鈴來得健康好多 仲有其他蔬菜，如生菜，菜芯及羽衣甘藍; 自取嘅鷄腿肉肉質相當嫩滑，加分 見到個凍櫃，雪糕雪條選擇夠多，都係大牌子出品 食到咁飽，拎支低卡乳酪雪條作為甜品，爽晒。 #ublog #food #hotpot #taiwanstyle #foodpics #foodblog #TKO
