上次同友人黎過呢度食二人套餐，真係食過返尋味，趁住晚市堂食開返又上來，門口設置DJ打碟區，但可惜仍然未有DJ露兩手 ，希望快D回復正常 燈光舒服，播住節拍歌曲，望住米高積遜嘅經典唱片封套一起進餐，猜想店主應該係佢嘅粉絲 餐牌上提供多款食物種類選擇，沙律/小食/漢堡三文治/意粉/薄餅/意大利雲吞到肉食類都有 最先出場嘅當然係沙律，呢份廚師沙律加配燒香草鷄胸 ($126)，份量之大絶對可以當一份主食。 除咗爽口沙律菜外，仲有烚蛋，車厘茄; 份燒香草鷄胸 (另加配$38)非常豪氣，以慢煮手法再燒，令鷄胸肉"回春"，嫩滑可口，若然要減肥嘅，食呢客作主菜都不失為一個好選擇。 多款意粉中，有我歡喜嘅蒜香辣椒系列，今次加埋有蜆肉，變成蒜香辣椒蜆肉意大利粉 ($168) 蜆肉鮮甜無沙放心食， 每條意粉都充滿蒜香味，辣度只係輕微，就咁單食意粉都好好味。 差唔多食完碟意粉之際，美國皇室和牛漢堡 ($138)就出場啦，當然唔少得黃金拍擋.........薯條 個飽比較特別，唔係常見嘅漢堡飽，底部煎到微脆，鬆軟好味 件和牛漢堡有成吋厚，咬落流出肉汁，配以千島醬汁，生菜蕃茄及酸瓜片，想要芝士要另加，整體味道唔錯。 混合住四種芝士焗製而成嘅就係呢客芝士4重奏 ($148)，份量已切成8件 中間係熔化咗嘅芝士，薄脆餅邊，增加香口度 最期待嘅畫面出場..........拉絲! 入口鬆軟，超濃芝士咸香味係口腔大爆發，多芝士但又唔會好膩，趁熱食，好易一件接一件。 呢餐真係好味又滿足，下次同朋友上嚟可以黎個Happy Hour然後先開餐，Chill番個晚上!#ublog #food #foodie #foodpic #CWB #steakhouse #musicbox #foodblog
