呢度大部份都係二人枱，人多D嘅可以坐卡位; 鍾意佢幾文青風格，燈光柔和，令人感覺輕鬆舒服 呢個打咭位，鍾意嘅可以未開餐前黎影個相 單點/四人餐/海鮮拼盤/晚市套餐都有供應，想黎個Happy Hour亦得 要計CP值，當然係點晚市套餐，由餐湯，主菜，甜品到餐飲，一個價錢包晒 是日餐湯係洋蔥薯仔忌廉湯，湯質頗濃杰，第一口覺得味淡，但飲至中段就覺得夠味，幾香洋蔥味，配埋件脆香多士，滋味。 肉類選擇有豬/牛/羊，身為牛控嘅我哋當然會點呢份炭燒美國安格斯肉眼 ($358)，燒紋已烙在件肉眼上，吸引力大增; 配菜有香烤秋葵，意大利青瓜及薯仔 肉眼本身肉質就比較軟腍，外圍油脂較多; 柯打五成熟，切開仍然見到紅色，入口鬆軟，肉味幾出，亦食到炭燒嘅香味，點埋燒汁食仲好味。 海鮮類代表有呢客牛油香煎帶子鮮蠔汁意大利飯 ($248)，賣相簡單優雅，紅白配。 香煎四粒帶子，入口外脆內半軟; 個汁超香蠔味，懷疑佢係Blend爛隻蠔去煮呢個汁; 意大利飯口感軟硬適中，偶爾食到蠔肉及芝士，梗加豐富咗口感及味道，食完都相當飽肚。 見到伯爵紅茶配綠茶芝士蛋糕，呢個畫面係咪好似嘆緊下午茶咁呢?! 精緻綠茶芝士蛋糕口感綿滑，味道偏甜; 但配杯伯爵紅茶就岩岩好，一口蛋糕一口熱茶，為呢餐寫上一個美好句號! #ublog #food #fusion #foodpic #tasty #jordan #ribeyes #risotto
