係呢頭做完嘢又咁岩到放飯時間，就食埋先返屋企，行下行下就見到呢間台日式食店 好彩坐到卡位，自己想食咩就剔，日式台式都有，價錢都幾大眾化 首先出場係呢客關東煮烏冬 ($68)，仲有三款配菜 三款配菜分別係中華沙律，紫薯粒及枝豆，台日食物大容和 湯底味道偏淡而清，呢度的關東煮比起係日式便利店食到的有d分別。除咗有竹輪，蘿蔔外，仲有豆腐，粟米，花枝丸，肉丸，另一輪台日食材大比拼 烏冬口感滑溜，呷一口湯食一注烏冬，飽肚又滿足… 想食飯可以叫呢客原條鰻魚飯 ($118)，有湯亦有三款配菜 特別地方有泡芙，照顧埋你甜品時間 原條鰻魚横舖晒成個碗中間，甚有霸氣。浦燒鰻魚入口綿滑，醬汁增加魚肉甜味，將兩舊疊起一啖放入口，滿足感double up 飯上仲有隻溫泉蛋及紅薑絲，將蛋黃汁撈均入飯粒內，再放一口鰻魚上去，就係咁樣食法，呢碗飯好快被我KO了 放入茶包加熱水，就成為呢杯白桃烏龍茶 ($18)。 熱度相當夠，未飲已聞到白桃香味，吸引呀............天氣凍凍地，飲杯熱白桃茶令人舒服呀。 小食選擇以台式為主，講起台式小食，除咗鹽酥系列，就諗到滷咩滷物。呢客滷鴨腎 ($38)，想講係質量同價錢絶不相符，睇下幾咁多...................鴨腎滷得入味，就咁單食又唔會過咸，超有嚼口，加入少少芝麻增加香度，推介! 香口食品絶對係我的COMFORT FOOD，尤其係酥炸地瓜條 ($38)，更加抗拒唔到! 歡喜佢比薯條多一份甜美味道，份量又係慷慨擔當。每條都入口香脆，香甜可口，但一d都唔油膩喎，莫非用氣炸鍋整?! 哈..哈....唔埋啦，好食就得啦。 無加一服務費，份量超級對眼，怪唔之得疫市中都仲有唔少捧場客。#香港美食 #ublog #food #foodie #kwuntong #taiwan #japan #foodpics #foodblog
