上到黎呢個商場嘅九樓，向左轉食日本嘢，向右轉食西餐，今晚我哋向左走................. 晚市套餐多款選擇，定食/丼飯炒飯/鍋物都有 以浦燒鰻魚定食 ($148)黎講，呢個價相當抵食，可以要麵豉湯/蟹籽沙律，仲有溫泉蛋/溏心蛋一隻 溏心蛋入口creamy，唔係只係同拉麵夾，送飯都得㗎 主角有兩大段，鰻魚汁另上，鍾意幾多落幾多 鰻魚皮微脆，肉滑，香甜鰻魚汁撈飯一定無得輸，食晒都幾滿足。 呢度嘅石燒出鏡率超高，目測差唔多每枱都有叫，我哋都係其中之一，點咗石燒霜降和牛 ($218)套餐 和牛切成中等厚度，唔係薄片，脂肪比例可以，肉色都幾吸引，份量都唔少喎 先用牛脂粒在熱石上化成牛油，然後就可以開始燒肉仔啦 生熟程度除你歡喜，自己偏好每邊燒至轉色就食 三款調味比你選擇，簡單D點少少鹽，肉質帶少少嚼口，肉味都出，燒肉加白飯，夢幻組合是也^^ 多款小食中，比呢客日式炸鷄 ($78)吸引住，有4-5件，唔細件架，炸至金黃色，未食都FEEL到股熱氣 超級熱辣辣，炸物梗係要熱食! 點埋個芥末沙律醬，微辛辣味道，外皮香脆，鷄肉一D都唔嚡乾! 餐飲黎一杯可樂配食..............爽爆呀!!#food #foodie #foodpic #tasty #hkig #foodpics #yummy #ublog #dinner #foodblogger #MK #japan
