有日經過呢條街見到呢間餐廳門面佈置幾吸睛下，就約咗女子組某成員今晚黎試下 有日式木屋西餐廳感覺，無論燈飾布置，灰色牆或木製枱椅都好岩FEEL 已佈置好聖誕打咭位，喜歡嘅可以影返張相留念 見到有呢個晚市套餐，有埋相一睇就知道包咩，只需選擇兩樣嘢 : 主菜及飲品 侍應送上南瓜忌廉湯，有一塊香脆蒜蓉多士，入口有香甜南瓜味，飲完有少少暖意^^ 主菜類主要以澱粉質與蛋白質作比拼，咁就每類各選一款啦卡邦尼黑松露片意大利粉 ($228) 砌成一個意粉山形狀，頂部再放幾片黑松露片，黑與淡黃形成強列對比 每條意粉都掛滿醬汁，條條分明唔係一團嘢咁，入口相當creamy，配合埋惹味煙肉碎，增加咸香味道，食完都幾飽肚。 炭燒法式豬鞍架伴紅桑子汁 ($348) 放低後已聞到香味，燒好嘅豬鞍再淋上紅桑子汁，炸脆嘅菜葉，紅中帶綠，不期然帶點聖誕氣氛 已切成3塊，食得輕鬆，外面有燒紋，內裏仍帶粉嫩色。點上酸甜紅桑子汁一齊食，中和咗肉嘅膩感，食晒全客都無問題，好味道。 套餐包埋甜品，今晚有呢客咁精緻嘅忌廉蛋糕，味道偏甜，份量適中。 除了咖啡，最岩係用茶黎配合，所以我今晚要咗呢杯伯爵紅茶，熱辣辣又夠大杯，就算食完蛋糕都可以慢慢嘆埋杯茶，呢張相嘅畫面係咪好似去咗日式餐廳飲下午茶嘅感覺呢?! 係度開餐除咗享受食物外，感覺亦幾令人放輕鬆!! #foodpic #food #foodie #tasty #hkig #foodpics #yummy #ublog #dinner #foodblogger #jordan #woodstyle #stylish
